બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / આજે દક્ષિણ ગુજરાતમાં વરસાદ, એક સપ્તાહ બાદ ફરી જામી શકે મેઘાવી માહોલ
7 ફોટો ગેલેરી
Last Updated: 08:34 AM, 6 August 2026
FOLLOW ON
શેર કરો
1/7
ગુજરાતમાં હાલ અનેક સ્થળોએ હળવો વરસાદ અને છૂટાછવાયા વરસાદી ઝાપટાં પડી રહ્યા છે. હવામાન વિભાગના જણાવ્યા મુજબ આગામી એક સપ્તાહ સુધી રાજ્યમાં આવું જ વરસાદી વાતાવરણ યથાવત રહેવાની શક્યતા છે. આજે 6 ઓગસ્ટ 2026ના રોજ રાજ્યના અનેક જિલ્લાઓમાં હળવોથી મધ્યમ વરસાદની આગાહી કરવામાં આવી છે. ત્યારબાદ 7થી 11 ઓગસ્ટ સુધી પણ રાજ્યના મોટા ભાગના વિસ્તારોમાં વરસાદી માહોલ ચાલુ રહેશે. જ્યારે 12થી 15 ઓગસ્ટ દરમિયાન કેટલાક વિસ્તારોમાં વરસાદનું જોર વધવાની સાથે ક્યાંક ક્યાંક ધોધમાર વરસાદ પણ પડી શકે છે.
આ તસવીર શેર કરો
2/7
હવામાન વિભાગ અનુસાર આજે 6 ઓગસ્ટ 2026ના રોજ વલસાડ, ડાંગ, નવસારી, તાપી, સુરત, નર્મદા, ભરૂચ, વડોદરા, છોટા ઉદેપુર, પંચમહાલ, દાહોદ, મહીસાગર, અરવલ્લી, આણંદ, ખેડા, સાબરકાંઠા, ગાંધીનગર, અમદાવાદ, મહેસાણા, બનાસકાંઠા, પાટણ, વાવ-થરાદ, કચ્છ, મોરબી, સુરેન્દ્રનગર, બોટાદ, રાજકોટ, ભાવનગર, અમરેલી, જામનગર, જૂનાગઢ, ગીર સોમનાથ, પોરબંદર અને દેવભૂમિ દ્વારકા જિલ્લામાં હળવોથી મધ્યમ વરસાદ થવાની શક્યતા છે.
આ તસવીર શેર કરો
3/7
હવામાન વિભાગે વધુમાં જણાવ્યું છે કે 7થી 11 ઓગસ્ટ 2026 દરમિયાન પણ વાવ-થરાદ, બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, પાટણ, મહેસાણા, ગાંધીનગર, અમદાવાદ, આણંદ, ખેડા, કચ્છ, મોરબી, સુરેન્દ્રનગર, જામનગર, બોટાદ, રાજકોટ, ભાવનગર, અમરેલી, દેવભૂમિ દ્વારકા, પોરબંદર, જૂનાગઢ અને ગીર સોમનાથ જિલ્લામાં હળવોથી મધ્યમ વરસાદની શક્યતા છે.
આ તસવીર શેર કરો
4/7
હવામાન વિભાગ અનુસાર 12થી 15 ઓગસ્ટ દરમિયાન અમદાવાદ, વડોદરા, ખેડા, આણંદ, પંચમહાલ, રાજકોટ, જામનગર, મોરબી, સુરત, નવસારી, વલસાડ, તાપી, ભાવનગર, અમરેલી, ગીર સોમનાથ, જૂનાગઢ, બનાસકાંઠા, સાબરકાંઠા, પાટણ, દાહોદ, મહીસાગર, છોટા ઉદેપુર, મહેસાણા, અરવલ્લી, કચ્છ, ભરૂચ અને ડાંગ સહિતના જિલ્લાઓમાં છૂટાછવાયા સ્થળોએ હળવોથી મધ્યમ વરસાદ વરસી શકે છે. આ ઉપરાંત કેટલાક વિસ્તારોમાં ધોધમાર વરસાદ પડવાની પણ શક્યતા વ્યક્ત કરવામાં આવી છે.
આ તસવીર શેર કરો
5/7
હાલમાં અનેક હવામાન પ્રણાલીઓ સક્રિય હોવાથી તેની અસર રાજ્યના વાતાવરણ પર જોવા મળી રહી છે. ચોમાસાનો ટ્રફ તેની સામાન્ય સ્થિતિ કરતાં સરેરાશ સમુદ્ર સપાટીએ ઉત્તર દિશામાં ખસ્યો છે. સાથે જ એક વેસ્ટર્ન ડિસ્ટર્બન્સ મધ્ય અને ઉપલા ટ્રોપોસ્ફેરિક વેસ્ટર્લીઝમાં ટ્રફ તરીકે સક્રિય છે. ઉત્તર પશ્ચિમ ઉત્તર પ્રદેશ અને તેના આસપાસના વિસ્તારોમાં નીચલા ટ્રોપોસ્ફેરિક સ્તરે સાઇક્લોનિક સર્ક્યૂલેશન સર્જાયું છે. ઉપરાંત ઉત્તરપૂર્વ બિહાર, સબ-હિમાલયન પશ્ચિમ બંગાળ અને સિક્કિમ, મધ્ય આસામ, ઉત્તરપૂર્વ બાંગ્લાદેશ તથા તેના પડોશના વિસ્તારોમાં તેમજ દક્ષિણ આંતરિક કર્ણાટકમાં પણ અપર એર સાઇક્લોનિક સર્ક્યૂલેશન સક્રિય છે. મોન્સૂન ટ્રફ, વેસ્ટર્ન ડિસ્ટર્બન્સ અને વિવિધ સાઇક્લોનિક સર્ક્યૂલેશનની સંયુક્ત અસરના કારણે આગામી દિવસોમાં હવામાનમાં ફેરફાર જોવા મળી શકે છે.
આ તસવીર શેર કરો
6/7
અમદાવાદના હવામાનની વાત કરીએ તો આજે શહેરમાં પવન સાથે છૂટાછવાયા સ્થળોએ હળવોથી મધ્યમ વરસાદ થવાની શક્યતા છે. શહેરનું મહત્તમ તાપમાન 31 ડિગ્રી સેલ્સિયસની આસપાસ અને લઘુત્તમ તાપમાન 26 ડિગ્રી રહેવાની શક્યતા છે. રાજકોટમાં પણ આજે પવન સાથે હળવોથી મધ્યમ વરસાદ છૂટાછવાયા સ્થળોએ પડી શકે છે. શહેરનું મહત્તમ તાપમાન 31 ડિગ્રી અને લઘુત્તમ તાપમાન 25 ડિગ્રી આસપાસ રહેવાની આગાહી કરવામાં આવી છે. સુરતમાં આજે પવન સાથે હળવોથી મધ્યમ વરસાદની શક્યતા છે. શહેરનું મહત્તમ તાપમાન 31 ડિગ્રી અને લઘુત્તમ તાપમાન 27 ડિગ્રી આસપાસ રહી શકે છે.
આ તસવીર શેર કરો
7/7
વડોદરામાં પણ આજે છૂટાછવાયા સ્થળોએ પવન સાથે હળવોથી મધ્યમ વરસાદ પડી શકે છે. શહેરનું મહત્તમ તાપમાન 32 ડિગ્રી અને લઘુત્તમ તાપમાન 26 ડિગ્રી આસપાસ રહેવાની સંભાવના વ્યક્ત કરવામાં આવી છે. આગામી દિવસોમાં પણ રાજ્યના મોટા ભાગના વિસ્તારોમાં વરસાદી માહોલ યથાવત રહેવાની શક્યતા હોવાથી લોકોને હવામાન વિભાગની આગાહી પર નજર રાખવાની સલાહ આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
5 ફોટોઝ
Navpancham Rajyog 2026 / અતિશુભ નવપંચમ રાજયોગ બનતા સૂર્ય-શનિના પ્રભાવથી આ 4 રાશિઓને થશે જબરદસ્ત ધનલાભ
ટોપ સ્ટોરીઝ
