બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 05:02 PM, 5 July 2026
FOLLOW ON
શેર કરો
1/6
ગુજરાતમાં ચોમાસું વિધિવત રીતે જામ્યું છે અને આગામી દિવસોમાં મેઘરાજા પોતાનું રૌદ્ર સ્વરૂપ દેખાડે તેવી પૂરેપૂરી શક્યતા છે. હવામાન વિભાગ દ્વારા જાહેર કરવામાં આવેલી નવીનતમ આગાહી અનુસાર, રાજ્યમાં હજુ આગામી 7 દિવસ સુધી વરસાદી માહોલ યથાવત રહેશે એટલું જ નહીં પરંતુ અનેક વિસ્તારોમાં મેઘરાજા ભુક્કા બોલાવશે. ખાસ કરીને સૌરાષ્ટ્ર અને દક્ષિણ ગુજરાતના દરિયાકાંઠાના વિસ્તારો માટે હવામાન વિભાગ દ્વારા ભારે વરસાદનું 'રેડ એલર્ટ' જાહેર કરવામાં આવ્યું છે.
આ તસવીર શેર કરો
2/6
હવામાન વિભાગની આગાહી મુજબ, આગામી દિવસોમાં રાજ્યના કેટલાક ભાગોમાં જળબંબોળ જેવી સ્થિતિ સર્જાઈ શકે છે.
આ તસવીર શેર કરો
3/6
નવસારી, વલસાડ અને ડાંગ જિલ્લામાં આકાશી આફત તૂટી પડી શકે છે અને અત્યંત ભારે વરસાદ પડવાની સંભાવના છે. આ ઉપરાંત સુરત, ભરૂચ, તાપી, નર્મદા અને છોટાઉદેપુરમાં પણ અતિભારે વરસાદની આશંકા સેવાઈ રહી છે.
આ તસવીર શેર કરો
4/6
સૌરાષ્ટ્રના અમરેલી, ભાવનગર, ગીર સોમનાથ અને કેન્દ્રશાસિત પ્રદેશ દીવમાં અત્યંત ભારે વરસાદનું એલર્ટ આપવામાં આવ્યું છે. જ્યારે રાજકોટ અને જૂનાગઢ જિલ્લામાં પણ અતિભારે વરસાદ ખાબકી શકે છે.
આ તસવીર શેર કરો
5/6
આગામી દિવસોમાં લો-પ્રેશર કે સિસ્ટમ સક્રિય થવાના કારણે દરિયામાં ભારે કરંટ જોવા મળી શકે છે અને તેજ પવન ફૂંકાવાની શક્યતા છે. પરિસ્થિતિની ગંભીરતાને ધ્યાનમાં રાખીને ગુજરાતના બંદરો (Ports) પર સાવચેતીના ભાગરૂપે 3 નંબરનું ભયસૂચક સિગ્નલ લગાવી દેવામાં આવ્યું છે.
આ તસવીર શેર કરો
6/6
તકેદારીના પગલાં રૂપે વહીવટી તંત્ર દ્વારા તમામ માછીમારોને આગામી સૂચના ન મળે ત્યાં સુધી દરિયો ન ખેડવા માટે કડક આદેશ આપવામાં આવ્યા છે. દરિયાકાંઠાના તમામ ગામોને એલર્ટ કરી દેવાયા છે અને ડિઝાસ્ટર મેનેજમેન્ટની ટીમ પણ પરિસ્થિતિ પર સતત નજર રાખી રહી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
