રાજનીતિ / શંકરસિંહ વાઘેલાના કોંગ્રેસમાં જોડાવાને લઇને આવ્યાં સૌથી મોટા સમાચાર, હાઈકમાન્ડનો આ છે પ્લાન

• શંકરસિંહ વાઘેલાની કોંગ્રેસમાં જોડાવાની ગતિવિધિઓ તેજ 
• પ્રદેશ કોંગ્રેસના મોટા નેતાઓ શંકરસિંહ વાઘેલાના સતત સંપર્કમાં 
• પ્રભારી રાજીવ સાતવ છે ગુજરાતની મુલાકાતે

શંકરસિંહ વાઘેલાને લઇને ગુજરાતના રાજકારણમાં સૌથી મોટા સમાચાર સામે આવી રહ્યાં છે. શંકરસિંહ વાઘેલાની કોંગ્રેસમં જોડાવાની ગતિવિધિઓ તેજ જોવા મળી રહી છે. 

હાલ પ્રદેશ કોંગ્રેસના મોટા નેતાઓ રાજ્યના દિગ્ગજ નેતા શંકરસિંહ વાઘેલાના સતત સંપર્કમાં જોવા મળી રહ્યાં છે. આમ ગમે તે ઘડીએ શંકરસિંહ વાઘેલા કોંગ્રેસનો ખેસ ધારણ કરશે. 

કોંગ્રેસ હાઇકમાન્ડ સાથે મુલાકાત બાદ શંકરસિંહ વાઘેલા ગમે ત્યારે કોંગ્રેસમાં જોડાઇ તેવી શક્યતા છે. આમ છેલ્લા થોડા દિવસોથી શંકરસિંહ વાઘેલાની કોંગ્રેસમાં જોડાવાની અટકળોએ વેગ પક્ડયો છે. 

આમ શંકરસિંહ વાઘેલા સક્રિય થતા રાજ્યમાં રાજકીય માહોલ ગરમાયો છે. હાલ રાજ્યમાં સ્થાનિક સ્વરાજની ચૂંટણીને લઇને રાજકીય વાતાવરણમાં ગરમાવો જોવા મળી રહ્યો છે. આમ રાજ્ય દિગ્ગજ નેતા અને પૂર્વ મુખ્યમંત્રી શંકરસિંહ વાઘેલા ગમે તે ઘડીએ કોંગ્રેસમાં જોડાઈ શકે તેવા સમાચાર આવી રહ્યાં છે.

શંકરસિંહની કોંગ્રેસમાંથી એક્ઝિટની કથા!

• 2017ની ચૂંટણી પહેલા શંકરસિંહ મુખ્યમંત્રીના ઉમેદવારની જીદ લઈને બેઠા હતા
• કોંગ્રેસ શંકરસિંહને મુખ્યમંત્રીપદના ઉમેદવાર જાહેર કરે તેવી જીદ હતી
• કોંગ્રેસે ચૂંટણી પછી મુખ્યમંત્રી નક્કી કરવાની વાતને પકડી રાખી હતી
• શંકરસિંહે નક્કી કરી લીધું કે હવે કોંગ્રેસ તેમને સીએમ પદના ઉમેદવાર નહી બનાવે
• એ સમયે જ રાજ્યમાં રાજ્યસભાની 4 બેઠકોની ચૂંટણી થવાની હતી
• બરાબર 2017 વિધાનસભાની ચૂંટણી પહેલા જ રાજ્યમાં રાજ્યસભાની ચૂંટણી થવાની હતી
• કોંગ્રેસને ભનક લાગી કે કોંગ્રેસના ધારાસભ્યોને તોડવાનો પ્રયત્ન થશે
• શંકરસિંહે પોતાના વેવાઈ બળવંતસિંહ રાજપૂતને પાંચમાં ઉમેદવાર તરીકે ઉભા રાખેલા
• પ્લોટ એવો હતો કે કેટલાક ધારાસભ્યો કોંગ્રેસમાંથી રાજીનામા આપે
• કેટલાક ધારાસભ્યો કોંગ્રેસમાં રહીને ક્રોસ વોટિંગ કરે અને બળવંતસિંહને જીતાવે
• કોંગ્રેસને શંકરસિંહની આખી ગેમની ગંધ આવી ચૂકી હતી
• કોંગ્રેસના 6 ધારાસભ્યોએ રાજીનામા આપ્યા અને 2 ક્રોસ વોટિંગ કરવાના હતા
• કોંગ્રેસ પોતાના ધારાસભ્યોને લઈને બેંગલુરુના રિસોર્ટમાં પહોંચી
• કોંગ્રેસ તરફી 2017માં છોટુ વસાવાએ મતદાન કરેલું અને અહેમદ પટેલ સાંસદ બન્યા હતા
• બળવંતસિંહ જીતે તો અહેમદ પટેલની હાર થાય એમ હતી
• રાજ્યસભાની આ ચૂંટણી પછી શંકરસિંહ કોંગ્રેસને ન ગમતા નેતા બની ગયા હતા
• કોંગ્રેસે એ પણ આરોપ લગાવેલો કે તેમના પર કેસ થયા છે તેના બદલામાં ભાજપને મદદ કરે છે