બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / આગાહી વચ્ચે વહેલી સવારથી વાદળછાયું વાતાવરણ, આ દિવસોમાં પડશે ગાજવીજ સાથે વરસાદ
6 ફોટો ગેલેરી
Last Updated: 08:13 AM, 28 May 2026
FOLLOW ON
શેર કરો
1/6
રાજ્યમાં છેલ્લા કેટલાક દિવસોથી પડી રહેલી આકરી ગરમી અને ઉકળાટ વચ્ચે હવે હવામાનમાં બદલાવ જોવા મળી રહ્યો છે. હવામાન વિભાગે આગામી 30 મે, 31 મે અને 1 જૂન દરમિયાન રાજ્યના અનેક વિસ્તારોમાં માવઠાની શક્યતા વ્યક્ત કરી છે. ઉત્તર ગુજરાતથી લઈને દક્ષિણ ગુજરાત અને સૌરાષ્ટ્ર-કચ્છ સુધી ગાજવીજ સાથે વરસાદ પડી શકે તેવી આગાહીએ લોકોમાં ગરમીથી થોડી રાહતની આશા જગાવી છે. વરસાદ સાથે કેટલાક વિસ્તારોમાં તેજ પવન પણ ફૂંકાઈ શકે છે, જેના કારણે વાતાવરણમાં અચાનક ઠંડક પ્રસરી શકે છે.
આ તસવીર શેર કરો
2/6
હવામાન વિભાગ અનુસાર 30 મેના રોજ કચ્છ, બનાસકાંઠા, પાટણ, સાબરકાંઠા, અરવલ્લી અને મહીસાગર જિલ્લામાં વરસાદની સંભાવના છે. ત્યારબાદ 31 મેના રોજ કચ્છ ઉપરાંત દાહોદ અને છોટાઉદેપુર જિલ્લામાં પણ ગાજવીજ સાથે વરસાદી માહોલ સર્જાઈ શકે છે. 1 જૂને અમરેલી, ભાવનગર, વડોદરા, નર્મદા, તાપી, ડાંગ, પંચમહાલ અને મહીસાગર જેવા વિસ્તારોમાં માવઠાની શક્યતા વ્યક્ત કરવામાં આવી છે. આ આગાહીને કારણે ખેડૂતો અને સામાન્ય નાગરિકો બંનેમાં ચિંતા અને રાહતની મિશ્ર લાગણી જોવા મળી રહી છે.
આ તસવીર શેર કરો
3/6
અમદાવાદ શહેરમાં પણ સવારથી જ વાતાવરણમાં પલટો જોવા મળ્યો હતો. શહેરના અનેક વિસ્તારોમાં વાદળછાયું વાતાવરણ છવાઈ ગયું હતું અને ઠંડા પવનો ફૂંકાતા લોકોને ગરમીમાંથી થોડી રાહત અનુભવાઈ હતી. અમદાવાદ અને ગાંધીનગરમાં આગામી દિવસોમાં પણ વાદળછાયું વાતાવરણ રહેવાની શક્યતા વ્યક્ત કરવામાં આવી રહી છે. ગરમીના પ્રકોપ વચ્ચે બદલાતા હવામાનને કારણે લોકો હવે વરસાદની રાહ જોઈ રહ્યા છે.
આ તસવીર શેર કરો
4/6
આ તરફ ઉત્તર ગુજરાતના બનાસકાંઠા જિલ્લામાં છેલ્લા ત્રણ દિવસથી વાતાવરણમાં સતત ફેરફાર જોવા મળી રહ્યો છે. ડીસા, પાલનપુર, ધાનેરા અને શિહોરી સહિતના વિસ્તારોમાં વાદળછાયું વાતાવરણ સર્જાતા ખેડૂતોમાં ચિંતા વધી છે. ખાસ કરીને બાજરી, મગફળી, શક્કરટેટી અને તરબૂચ જેવા પાક પર તેની સીધી અસર પડી શકે છે. અચાનક વરસાદ અને પવનના કારણે પાકને નુકસાન થવાની ભીતિ ખેડૂતો વ્યક્ત કરી રહ્યા છે.
આ તસવીર શેર કરો
5/6
હવામાનમાં આવી રહેલા બદલાવને કારણે એક તરફ લોકોને ગરમીથી રાહત મળશે તો બીજી તરફ કૃષિ ક્ષેત્ર માટે પડકારજનક પરિસ્થિતિ ઊભી થઈ શકે છે. રાજ્યના અનેક વિસ્તારોમાં ખેડૂતો હાલ પાક બચાવવા માટે વિવિધ પ્રયાસો કરી રહ્યા છે. બદલાતા મોસમના મિજાજને કારણે કૃષિ ઉત્પાદન પર અસર ન પડે તે માટે ખેડૂતોએ સાવચેતી રાખવાની જરૂરિયાત ઉભી થઈ છે.
આ તસવીર શેર કરો
6/6
આગામી ત્રણ દિવસ દરમિયાન રાજ્યના વિવિધ વિસ્તારોમાં વરસાદી માહોલ સર્જાય તેવી શક્યતા વચ્ચે લોકોમાં પણ હવામાનને લઈને ઉત્સુકતા વધી છે. ગરમીથી ત્રસ્ત જનતા માટે આ માવઠું રાહતરૂપ સાબિત થઈ શકે છે, પરંતુ ગાજવીજ અને તેજ પવનને ધ્યાનમાં રાખીને સાવચેતી રાખવી જરૂરી બનશે. હવામાન વિભાગની આગાહી પર સૌની નજર ટકેલી છે અને હવે લોકો વરસાદની એન્ટ્રીની રાહ જોઈ રહ્યા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
