વરસાદ / ગુજરાતમાં મુસીબતનું માવઠું, કચ્છ સહિત આ જિલ્લામાં ખાબકી આકાશી 'આફત'

રાજ્યમાં ભર ઉનાળે કમોસમી વરસાદ જામ્યો છે, વિવિધ વિસ્તારોમાં ચોમાસા જેવો માહોલ જામ્યો છે. કચ્છ, પોરબંદર, જામનગર, પાટણ અને અરવલ્લીમાં વરસાદી માહોલ જામ્યો છે. કમોસમી વરસાદના પગલે ખેડૂતોને ખેતી પાકમાં મોટાપાયે નુકસાન થયું છે.

કચ્છમાં જામ્યો વરસાદી માહોલ

કચ્છમાં વરસાદી માહોલ જામ્યો છે. અંજાર, મુન્દ્રા, ભુજ તાલુકામાં કમોસમી વરસાદ ખાબક્યો છે. ભારે પવની સાથે વરસાદ થતાં ખેડૂતો ચિંતિત બન્યા છે.

પોરબંદરમાં વાતાવરણમાં આવ્યો પલટો

પોરબંદરના ગ્રામ્ય અને શહેરી વિસ્તારમાં કમોસમી વરસાદ ખાબક્યો છે. બપોર બાદ વાતાવરણમાં એકાએક પલટો આવ્યો હતો અને જેના પગલે કુતિયાણા, રાણાવાવ અને પોરબંદર તાલુકામાં વરસાદ નોંધાયો છે. વરસાદના કારણે ખેડૂતોની ચિંતામાં વધારો થયો છે. ઉનાળું પાકમાં નુકશાનની ભીતિ સેવાઈ રહી છે

લાલપુર અને જામજોધપુરમાં ધોધમાર વરસાદ

જામનગર પંથકમાં વાતાવરણમાં પલટો આવ્યો છે. લાલપુર અને જામજોધપુરમાં ધોધમાર વરસાદ વરસ્યો છે. લાલપુરમાં આશરે એક ઈંચ જેટલો વરસાદ પડ્યો છે. વરસાદમાં ખેતરોમાં ઉભા પાકને નુકસાનની ભીતિ સેવાઈ રહી છે.

પાટણમાં કમોસમી વરસાદ

પાટણ જિલ્લાના અનેક ગામમાં કમોસમી આફત વરસી છે. સમી, રાધનપુર, બાસ્પા, ગોચનાથ સહિતના ગામમાં કમોસમી વરસાદ ખાબક્યો છે. ગામડાઓમાં ભારે પવન સાથે વરસાદની શરૂઆત થઈ છે.

આ પણ વાંચો:

ભિલોડા પંથકમાં તીવ્ર વાવાઝોડુ ત્રાટક્યું

અરવલ્લીમાં ભિલોડા પંથકમાં તીવ્ર વાવાઝોડુ ત્રાટક્યું છે. ભારે પવનના કારણે શેડના પતરા ઉડ્યા છે તો ફેક્ટરીની દીવાલો પણ ધરાશાયી થઈ છે. કંપનીનું રો મટીરીયલ વરસાદી પાણીમાં પલળ્યું છે, ત્યારે ભારે પવન સાથે વરસાથી કરોડો રૂપિયાનું નુકસાન થયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ