નવસારી / કોઇ ફિલ્મી સ્ટંટ નથી! આ તો પોલીસથી બચવા ગાડીઓને હડફેટે લેનાર બુટલેગરના રિયલ દ્રશ્યો છે

Police-Bootlegger Video : હિન્દી ફિલ્મોમાં જેમ બુટલેગર દારૂની લઈને જતો હોય અને પોલીસ તેની પાછળ પડી હોય તેવું તમે જોયું જ હશે. જોકે આપણાં ગુજરાતમાં પણ આવો જ એક ફિલ્મી સીન સામે આવ્યો છે. વાસ્તવમાં નવસારીમાં ગેરકાયદે દારૂના વેપારમાં સંકળાયેલા બુટલેગરો અને પોલીસે આમને–સામને આવી જતા રાનકુવા વિસ્તારમાં ફિલ્મી દ્રશ્યો સર્જાયા હતા.

વિગતો મુજબ પોલીસે બુટલેગરોની ગાડીનો પીછો શરૂ કર્યો ત્યારે આરોપીઓએ પોલીસને અટકાવવા માટે કાર ચઢાવવાનો પ્રયાસ કર્યો હતો. આ દરમિયાન પરિસ્થિતિ એટલી બેકાબૂ બની ગઈ કે આરોપીઓ ગાડી રોડના મધ્યમાં છોડી દીધીને ભાગી છૂટ્યા હતા. આ ઘટનાનો એક વીડિયો પણ સોશિયલ મીડિયામાં વાયરલ થઈ રહ્યો છે.

પોલીસ સૂત્રોના જણાવ્યા મુજબ જ્યારે પોલીસે બુટલેગરોને રોકવાનો પ્રયાસ કર્યો ત્યારે એક આરોપીએ કારને બેફામ રીતે દોડાવીને રસ્તા પર ઉભેલી અન્ય વાહનોને પણ નુકસાન પહોંચાડ્યું હતું. અહીં એ વાત પણ નોંધનીય છે કે, આ સમગ્ર ઘટના નજીકના CCTV કેમેરામાં કેદ થઈ છે અને હાલ તેનો વીડિયો પણ સોશિયલ મીડિયામાં વાયરલ થઈ રહ્યો છે. આ તરફ હવે પોલીસે આ મામલે વધુ તપાસ હાથ ધરી છે.

આ પણ વાંચો : ગુજરાતમાં વધુ એક બ્રિજનું ગર્ડર તૂટી પડતા સર્જાઇ દુર્ઘટના, મામલો પહોંચ્યો ગાંધીનગર

કારમાંથી દારૂનો જથ્થો જપ્ત

વિગતો મુજબ આ કાર્યવાહી દરમિયાન પોલીસે કારમાંથી 4 લાખ રૂપિયાથી વધુનો દારૂ જપ્ત કર્યો છે. આ તરફ પોલીસે તમામ આરોપીઓ વિરુદ્ધ અકસ્માતની સંબંધિત કલમો તેમજ પ્રતિબંધિત દારૂના ગુનો હેઠળ કાયદેસરની કાર્યવાહી શરૂ કરી છે. હાલ આરોપીઓ ફરાર છે અને તેમની શોધખોળ માટે પોલીસ દ્વારા વધુ તપાસ હાથ ધરાઇ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ