હૂમલો / કોરોના સંકટ વચ્ચે સૌથી મોટા સમાચાર: ગુજરાતના દરિયા કિનારે દુશ્મનના હૂમલાની આશંકા

• ગુજરાતના દરિયા કિનારે શંકાસ્પદ હિલચાલની આશંકા, કોસ્ટગાર્ડે હુમલો-ઘુષણખોરીની શક્યતા કરી વ્યક્ત
• 11થી 23 મે સુધીમાં દરિયાકિનારે થઇ શકે છે શંકાસ્પદ હિલચાલ
• દેશ વિરોધી તત્વો હુમલાને આપી શકે છે અંજામ

કોરોના સંકટ વચ્ચે ગુજરાતના દરિયા કિનારે શંકાસ્પદ હિલચાલની આશંકા છે.. કોસ્ટગાર્ડે ગુજરાતના દરિયા કિનારે હુમલો અને ઘુસણખોરીની શક્યતા વ્યક્ત કરી છે. કોસ્ટગાર્ડે આ મામલે અલર્ટ પણ જાહેર કર્યું છે. 

11થી 23 મે સુધીમાં દરિયાકિનારે થઇ શકે છે શંકાસ્પદ હિલચાલ

11થી 23 મે સુધીમાં દરિયાકિનારે કોઈ શંકાસ્પદ હિલચાલ દેખાઈ શકે છે. દેશના વિરોધી તત્વો હુમલો કરે તેવી પણ શક્યતા છે. આ મામલે કોસ્ટગાર્ડે  અને ફિશરીઝ વિભાગે માછીમારોને પત્ર લખીને પોરબંદર અને તેની આસપાસના વિસ્તારોમાં કોઈ શંકાસ્પદ હિલચાલ દેખાય તો જાણ કરવા સૂચના આપી છે. સાથે જ લેન્ડિંગ પોઈન્ટ અને દરિયામાં કોઈ શંકાસ્પદ બોટ દેખાય તો પણ ફિશરીઝ વિભાગ તેમજ કોસ્ટગાર્ડને જાણ કરવા માટે સૂચના આપવામાં આવી છે.