વિરોધ / VIDEO : ABVP અને પોલીસ વચ્ચે ઘર્ષણ, વાતાવરણ તંગ થતાં JCP-DCP પહોચ્યાં

Ahmedabad News : અમદાવાદમાં જે. જી. યુનિવર્સિટીમાં સિક્યુરિટી ગાર્ડ્સ અને ABVP કાર્યકરો વચ્ચે મારામારી ઘટના બની હતી, જેમાં સિક્યુરિટી ગાર્ડ દ્વારા ABVP કાર્યકરો પર લાકડીઓ અને લોખંડની પાઇપો વડે હુમલો કરવામાં આવ્યો હતો, ત્યારે હવે ABVPનું ઉગ્ર વિરોધ પ્રદર્શન શરુ થયું છે.

ABVP કાર્યકર્તાઓએ ચક્કાજામ કર્યો

અખિલ ભારતીય વિદ્યાર્થી સંગઠન (ABVP)ના કાર્યકર્તાઓએ આજે (15 ઓક્ટોબર 2025)ના રોજ

દૂરદર્શન ટાવરથી લઈને JG યુનિવર્સિટી સુધી રેલી કાઢી હતી. હિમાલયા મોલથી દૂરદર્શન સુધીનો રસ્તો કર્યો ચક્કાજામ કર્યો હતો.

પોલીસ અને કાર્યકરો વચ્ચે ઘર્ષણ

કાર્યકરોને કોલેજમાં જતા અટકાવતા મામલો બિચકાયો હતો અને પોલીસ અને કાર્યકરો વચ્ચે ઘર્ષણ થયું છે. મોટી સંખ્યામાં કોલેજમાં કાર્યકર્તાઓ પહોંચી ગયા હોવાથી વધુ પોલીસના જવાનોને બોલાવવા પડ્યા હતા.

JCP અને DCP પણ સ્થળ પર પહોંચ્યા

નોંધનીય છે કે, વિદ્યાર્થી વિરોધી નીતિના આરોપ સાથે વિરોધ પ્રદર્શન કર્યું હતું. સૂત્રો પાસેથી મળતી માહિતી મુજબ પરિસ્થિતિ વધુ વણસી જતાં JCP નીરજકુમાર બડગુજર અને DCP હર્ષદ પટેલ પણ સ્થળ પર પહોંચી ગયા છે.

વધુ વાંચો : તંત્રનો વધુ એક છબરડો, સર્વિસ રોડ જ વેચી નાખતા અધિકારીઓ દોડતા થયા

ABVPના કાર્યકરોમાં ભારે આક્રોશ

મહત્વનું છે કે યુનિવર્સિટીમાં કારોબારીની રચનાને લઈને સિક્યોરિટી ગાર્ડ અને ABVPના કાર્યકરો વચ્ચે માથાકૂટ થઈ હતી, જેમાં પોલીસની હાજરીમાં હુમલો થતાં ABVPના કાર્યકરોમાં ભારે આક્રોશ જોવા મળી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ