BIG BREAKING / ઈટાલિયા-સોરઠિયા સહિત ચાર ધુરંધરોને AAPએ સુરતમાં ઉતાર્યા, જાણો કોણ કઈ બેઠક પર લડશે

• દિલ્હીના મુખ્યમંત્રી અરવિંદ કેજરીવાલનું ટ્વિટ
• ગોપાલ ઇટાલિયા કતારગામ બેઠક પરથી ચૂંટણી લડશે
• રાજનીતિમાં યુવાઓની ભાગીદારી જરૂરી છે: કેજરીવાલ

ગુજરાત વિધાનસભાની ચૂંટણી પહેલા આમ આદમી પાર્ટીને લઇ સૌથી મોટા સમાચાર સામે આવી રહ્યાં છે. AAPના પ્રદેશ પ્રમુખ ગોપાલ ઇટાલિયા સુરતની કતારગામ બેઠક પરથી ચૂંટણી લડશે. મહત્વનું છે કે, આ સિવાય AAPએ ગોપાલ ઇટાલિયા સહિત 4 ધુરંધરોને સુરતમાં ચૂંટણી લડવા મેદાનમાં ઉતાર્યા છે. જેમાં મનોજ સોરઠીયાને કરંજ બેઠક પરથી મેદાનમાં ઉતાર્યા છે. જ્યારે અલ્પેશ કથીરિયાને વરાછાથી ટિકિટ આપવામાં આવી છે તો ધાર્મિક માલવિયાને ઓલપાડથી ટિકિટ ફાળવવામાં આવી છે.

राजनीति में युवाओं की भागीदारी ज़रूरी है। गुजरात में हमारे प्रदेश अध्यक्ष एवं लोकप्रिय युवा श्री गोपाल इटालिया को सूरत की कतारगाम विधानसभा से ओर प्रदेश महामंत्री श्री मनोज सोरठिया को करंज विधानसभा से गुजरात की जनता चुनाव लड़ाएगी, दोनों युवाओं को मैं शुभकामनाएँ देता हूँ।

— Arvind Kejriwal (@ArvindKejriwal) November 9, 2022

કરંજ બેઠક પરથી મનોજ સોરઠીયા ચૂંટણી લડશે: કેજરીવાલ
AAPના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલે ટ્વિટ કરીને આ અંગેની જાણકારી આપી છે. કેજરીવાલે ટ્વિટ કરીને જણાવ્યું કે, 'રાજનીતિમાં યુવાઓની ભાગીદારી જરૂરી છે. મનોજ સોરઠીયા કરંજ બેઠક પરથી ચૂંટણી લડશે.'

અલ્પેશ કથીરિયા વરાછા અને ધાર્મિક માલવિયા ઓલપાડથી ચૂંટણી લડશે

અત્યાર સુધીમાં કુલ 12 યાદી AAPએ જાહેર કરી દીધી

ઉલ્લેખનીય છે કે, આમ આદમી પાર્ટીએ અત્યાર સુધીમાં કુલ 158 ઉમેદવારોના નામ જાહેર કર્યા હતા. જેમાં વધુ બે દિગ્ગજોના નામ ઉમેરાતા AAPના કુલ ઉમેદવારોની સંખ્યા હવે 160 થઇ ગઇ છે. તમને જણાવી દઇએ કે, AAPએ ગઇકાલે વધુ 7 ઉમેદવારોની 12મી યાદી જાહેર કરી હતી. અત્રે નોંધનીય છે કે, આમ આદમી પાર્ટીએ જાહેર કરેલા ઉમેદવારોની યાદીમાં ચાર એવાં દિગ્ગજ ચહેરા છે કે જેઓને AAPએ સુરતની જ 4 બેઠકો પરથી ચૂંટણી લડવા મેદાનમાં ઉતાર્યા છે. જેમાં ગોપાલ ઇટાલિયા સુરતની કતારગામ બેઠક પરથી ચૂૂંટણી લડશે, મનોજ સોરઠીયા કરંજ બેઠક પરથી ચૂંટણી લડશે, અલ્પેશ કથીરિયાને વરાછાની બેઠક પરથી ટિકિટ લડશે જ્યારે ધાર્મિક માલવિયાને ઓલપાડથી મેદાનમાં ઉતારવામાં આવ્યા છે.