બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / ગુજરાતમાં સૌથી વધુ વરસાદ પલસાણામાં, 23 જિલ્લાના 107 તાલુકામાં વરસાદ નોંધાયો
6 ફોટો ગેલેરી
Last Updated: 09:59 AM, 2 July 2026
FOLLOW ON
શેર કરો
1/6
ગુજરાતમાં છેલ્લા 24 કલાક દરમિયાન રાજ્યના અનેક જિલ્લાઓમાં નોંધપાત્ર વરસાદ નોંધાયો છે. રાજ્યના 23 જિલ્લાના કુલ 107 તાલુકાઓમાં વરસાદ વરસ્યો છે. સમગ્ર રાજ્યમાં છેલ્લા 24 કલાકનો સરેરાશ વરસાદ 0.69 ઇંચ નોંધાયો છે. ચોમાસાની સક્રિયતાના કારણે ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં ભારે વરસાદ જોવા મળ્યો છે. રાજ્યના વિવિધ જિલ્લાઓમાં વરસાદના કારણે નદીઓ અને જળાશયોમાં નવા પાણીની આવક શરૂ થઈ છે તેમજ ખેડૂતોમાં ખુશીનો માહોલ જોવા મળી રહ્યો છે.
આ તસવીર શેર કરો
2/6
રાજ્યમાં સૌથી વધુ વરસાદ સુરત જિલ્લાના પાલસાણા તાલુકામાં નોંધાયો છે, જ્યાં છેલ્લા 24 કલાક દરમિયાન 7.99 ઇંચ વરસાદ વરસ્યો છે. ત્યારબાદ સુરતના બારડોલીમાં 7.76 ઇંચ, વલસાડના ઉમરગામમાં 7.72 ઇંચ અને સુરતના મહુવામાં 7.52 ઇંચ વરસાદ નોંધાયો છે. આ ઉપરાંત જૂનાગઢ જિલ્લાના માલિયા હાટીનામાં 7.01 ઇંચ, સુરતના અંબિકામાં 6.46 ઇંચ અને સુરતના ઉમરપાડામાં 4.72 ઇંચ વરસાદ વરસ્યો છે. ભારે વરસાદને કારણે અનેક નીચાણવાળા વિસ્તારોમાં પાણી ભરાવાની સ્થિતિ સર્જાઈ હતી.
આ તસવીર શેર કરો
3/6
સૌરાષ્ટ્ર વિસ્તારમાં પણ અનેક તાલુકાઓમાં સારો વરસાદ નોંધાયો છે. ગીર સોમનાથના સુત્રાપાડામાં 5.24 ઇંચ, જૂનાગઢના કેશોદમાં 5.20 ઇંચ, માંગરોળમાં 4.76 ઇંચ અને ભેસાણમાં 4.21 ઇંચ વરસાદ નોંધાયો છે. રાજકોટ જિલ્લાના લોધીકામાં 3.35 ઇંચ, ગોંડલમાં 2.83 ઇંચ અને જામકંડોરણામાં 2.48 ઇંચ વરસાદ નોંધાયો છે. અમરેલી જિલ્લાના બગસરામાં 2.05 ઇંચ, રાજુલામાં 1.77 ઇંચ, અમરેલી શહેરમાં 1.57 ઇંચ અને ભાવનગરના મહુવામાં 0.94 ઇંચ વરસાદ પડ્યો છે
આ તસવીર શેર કરો
4/6
દક્ષિણ ગુજરાતમાં વરસાદનું જોર સૌથી વધુ રહ્યું છે. વલસાડના વાપીમાં 7.44 ઇંચ, પારડીમાં 4.45 ઇંચ અને વલસાડ શહેરમાં 3.19 ઇંચ વરસાદ નોંધાયો છે. તાપીના વાલોડમાં 4.02 ઇંચ, વ્યારામાં 3.62 ઇંચ અને ડોલવણમાં 2.13 ઇંચ વરસાદ વરસ્યો છે. નવસારીના ગંદેવીમાં 3.03 ઇંચ, નવસારી શહેરમાં 2.91 ઇંચ, વાંસદામાં 2.64 ઇંચ અને જલાલપોરમાં 2.60 ઇંચ વરસાદ નોંધાયો છે. નર્મદાના સાગબારામાં 3.27 ઇંચ, ચિકડામાં 1.30 ઇંચ અને તિલકવાડામાં 1.06 ઇંચ વરસાદ નોંધાયો છે.
આ તસવીર શેર કરો
5/6
મધ્ય ગુજરાતમાં પણ અનેક વિસ્તારોમાં વરસાદ નોંધાયો છે. અમદાવાદ જિલ્લાના ધંધૂકામાં 1.54 ઇંચ વરસાદ પડ્યો જ્યારે ધોળકામાં 0.04 ઇંચ વરસાદ નોંધાયો હતો. વડોદરાના પાદરામાં 1.69 ઇંચ, છોટાઉદેપુરના કવાંટમાં 2.20 ઇંચ, નસવાડીમાં 1.10 ઇંચ અને સંખેડામાં 0.98 ઇંચ વરસાદ નોંધાયો છે. પંચમહાલના કાલોલમાં 1.42 ઇંચ, દાહોદના દેવગઢ બારિયામાં 0.83 ઇંચ અને અન્ય વિસ્તારોમાં પણ વરસાદ વરસ્યો હતો. વરસાદને કારણે અનેક વિસ્તારોમાં વાતાવરણમાં ઠંડક પ્રસરી હતી.
આ તસવીર શેર કરો
6/6
પ્રદેશવાર વરસાદના આંકડા મુજબ દક્ષિણ ગુજરાતમાં છેલ્લા 24 કલાક દરમિયાન સરેરાશ 2.08 ઇંચ વરસાદ નોંધાયો છે, જ્યારે સૌરાષ્ટ્રમાં 0.84 ઇંચ, પૂર્વ-મધ્ય ગુજરાતમાં 0.16 ઇંચ, ઉત્તર ગુજરાતમાં 0.01 ઇંચ અને સમગ્ર રાજ્યમાં સરેરાશ 0.69 ઇંચ વરસાદ નોંધાયો છે. રાજ્યમાં ચોમાસું વધુ સક્રિય બનતા આગામી દિવસોમાં પણ અનેક જિલ્લાઓમાં ભારે વરસાદની શક્યતા વ્યક્ત કરવામાં આવી રહી છે. હવામાન વિભાગે લોકોને સાવચેતી રાખવા અને સ્થાનિક તંત્ર દ્વારા આપવામાં આવતી સૂચનાઓનું પાલન કરવાની અપીલ કરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
