તમારા કામનું / મહિલાઓ માટે સરકારની જબરદસ્ત યોજના: સીધા એકાઉન્ટમાં આવી જશે 6 હજાર રૂપિયા, જાણો કેવી રીતે

• સરકાર મહિલાઓને આપી રહી છે પૈસા 
• સીધા ખાતામાં પહોંચી જશે 6 હજાર રૂપિયા 
• જાણો કઈ રીતે ઉઠાવશો લાભ 

સરકાર મહિલાઓ માટે ઘણી યોજનાઓ ચલાવે છે. જેના હેઠળ મહિલાઓને આર્થિક મદદ પહોંચાડવામાં આવે છે. એવી જ રીતે આજે એક યોજના વિશે જણાવવા જઈ રહ્યા છીએ. જેના હેઠળ ગર્ભવતી મહિલાઓને 6 હજાર રૂપિયાની મદદ આપવામાં આવે છે. આ રકમ કેન્દ્ર સરકારની તરફથી મહિલાઓને જ આપવામાં આવે છે. પરિવારના કોઈ અન્ય સદસ્ય તેનો લાભ નથી ઉઠાવી શકતા.

દેશભરમાં પેદા થઈ રહેલા કુપોષિત બાળકોને રોકવા માટે સરકારે માતૃત્વ વંદના યોજનાની શરૂઆત કરી છે તેના હેઠળ ગર્ભવતી મહિલાઓને સરકારની તરફથી આર્થિક મદદ પહોંચાડવામાં આવી રહી છે. સરકાર 6000 રૂપિયા બાળકોની દેખરેખ અને બિમારીને રોકાવા માટે યુઝ કરવા માટે આપે છે. આ યોજના માટે ગર્ભવતી મહિલાઓની ઉંમર 19 વર્ષથી ઓછી ન હોવી જોઈએ. 

ત્રણ હપ્તામાં મળે છે રકમ 
માતૃત્વ વંદના યોજનાની શરૂઆત 1 જાન્યુઆરી 2017એ થઈ હતી. આ યોજના હેઠળ લાભ ઉઠાવવા માટે ઓફલાઈન અરજી કરવાની રહેશે. અરજી કર્યા બાદ ગર્ભવી મહિલાઓને આ રકમ ત્રણ હપ્તામાં આપવામાં આવે છે. 

ત્યાં જ છેલ્લો હપ્તો 1000 રૂપિયા સરકાર બાળકોના જન્મના સમયે હોસ્પિટલમાં આપે છે. આ સ્કીમના પહેલા ચરણમાં 1000 રૂપિયા, બીજા ચરણમાં 2000 રૂપિયા અને ત્રીજા ચરણમાં 2000 રૂપિયા ગર્ભવતી મહિલાઓને આપવામાં આવે છે. 

સીધી ખાતામાં ટ્રાન્સફર કરવામાં આવે છે રકમ 
કેન્દ્ર સરકાર પાસેથી મળેલી રકમ ગર્ભવતી મહિલાઓના ખાતામાં સીધી ટ્રાન્સફર કરવામાં આવે છે. જો તેની અરજીમાં તમને કોઈ પણ પ્રકારની પરેશાની આવે છે તો તમે હોલ્પલાઈન નંબર 7998799804 પર કોલ કરી શકો છો. અહીં તમારી દરેક સમસ્યાઓનું સમાધાન કરવામાં આવશે. 

કઈ રીતે કરી શકો છો અરજી? 
જો તમે આ યોજનાનો લાભ ઉઠાવવા માંગો છો તો તમે આ યોજનાની ઓફિશ્યલ વેબસાઈટ wcd.nic.in/schemes/pradhan-mantri-matru-vandana-yojana પર જઈ શકો છો. અહીં તમે યોજના વિશે સંપૂર્ણ જાણકારી મેળવી શકો છો. અહીંથી ફોર્મ ડાઉનલોડ કરી તમે અરજી કરી શકો છો અને સંબંધિત કાર્યાલયમાં જમા કરાવી શકો છો.