અમદાવાદ / ગુજરાતમાં ગરબા પ્રેમીઓએ તડામાર તૈયારીઓ શરૂ કરી, મોદી પાઘડી ગ્રુપ થરક્યું, ગદર-2 ફિલ્મના પણ સ્ટેપ જોવા જેવા

• નવલા નોરતાને લઈ ખૈલૈયાઓએ તૈયારીઓ શરૂ કરી
• મોદી પાઘડીએ ખૈલૈયાઓમાંજમાવ્યું આકર્ષણ
• ખૈલૈયાઓ ત્રણથી ચાર કલાક ગરબાની પ્રેક્ટિસ કરે છે

ગરબાએ પરંપરાગત નૃત્યનો પ્રકાર છે. જેના માટે ગુજરાત વિશ્વભરમાં જાણીતું છે. ત્યારે હવે જેમ જેમ નવરાત્રી નજીક આવી રહી છે. તેમ તેમ ગુજરાતમાં ગરબા પ્રેમીઓએ પૂરજોશમાં તૈયારીઓ આરંભી દીધી છે. અમદાવાદના પ્રખ્યાત મોદી પાઘડી ગ્રુપે પણ ગરબા માટે રિહર્સલ શરૂ કરી દીધું છે.  આ ગરબા ગ્રુપને અમદાવાદના પરિમલ ગાર્ડનમાં પ્રેક્ટિસ શરૂ કરી છે. દર વર્ષે આ ગ્રુપ ગરબાના અવનવા સ્ટેપ્સ લઈને આવે છે.  

 મોદી પાઘડીએ ખૈલૈયાઓમાં આકર્ષણ જમાવ્યું
અમદાવાદનું આ ગ્રૂપ ટૂંક સમયમાં વડાપ્રધાનના સન્માનમાં અનોખી મોદી પાઘડી સાથે નવી ક્લોથિંગ લાઇન લોન્ચ કરશે. પાઘડી પર વડાપ્રધાન નરેન્દ્ર મોદીની તસવીરો પણ છે. આ અનોખી પાઘડીએ આકર્ષણ જમાવ્યું છે. 

 

ગ્રુપ દરરોજ ત્રણથી ચાર કલાક ગરબાની પ્રેક્ટિસ કરવા માટે ફાળવે
નવરાત્રિ નજીક આવી રહી છે. ત્યારે આ ગ્રુપે ગરબા પ્રેક્ટિસનો સમય વધારી દીધો છે. આ ગ્રુપ દરરોજ ત્રણથી ચાર કલાક ગરબાની પ્રેક્ટિસ કરવા માટે ફાળવે છે. જેથી તહેવાર દરમિયાન કોઈ કચાશ ન રહે. ત્યારે હવે આ ગ્રુપ નવરાત્રિની આતૂરતાથી રાહ જોઈ રહ્યું છે.