પસંદગી / ભારતનો 20 વર્ષનો ઈંતેજાર ખતમ, ઘોડેસવારીમાં આ ભારતીયને મળી ઓલમ્પિકની કન્ફર્મ ટિકિટ

Noor

Last Updated: 03:33 PM, 8 January 2020

FOLLOW ON

શેર કરો

એશિયન ગેમ્સના ડબલ મેડલિસ્ટ ઘોડેસવાર ફવાદે સત્તાવાર રીતે ટોકિયો ઓલિમ્પિકની ટિકિટ કન્ફર્મ કરી લીધી છે અને તે બે દાયકા બાદ ઘોડેસવારીમાં ઓલિમ્પિક ટિકિટ હાંસલ કરનારો પ્રથમ ભારતીય બની ગયો છે. ઇન્ટરનેશનલ ફેડરેશન ઓફ ઇક્વેસ્ટ્રિયને તા. 1 જાન્યુઆરી, 2019થી 31 ડિસેમ્બર, 2019 દરમિયાનનાં બધાં પરિણામો સામેલ કરીને નવું રેન્કિંગ લિસ્ટ જારી કર્યું એ સાથે જ ફવાદના ટોકિયો ઓલિમ્પિક ક્વોલિફિકેશનની પુષ્ટિ થઈ.

ભારતનો 20 વર્ષનો ઈંતેજાર ખતમ
ફવાદ મિર્ઝાએ ઓલિમ્પિક ટિકિટ કન્ફર્મ કરી
ઘોડેસવારીમાં ઓલિમ્પિક ટિકિટ હાંસલ કરનારો પ્રથમ ભારતીય બની ગયો

27 વર્ષીય ફવાદે 2018માં એશિયન ગેમ્સની વ્યક્તિગત ઈવેન્ટમાં સિલ્વર મેડલ જીત્યો હતો. તેણે ગત વર્ષે પોતાના પ્રથમ ઘોડા ફેર્નહિલ ફેસટાઇમથી 34 અને બીજા ઘોડા ટચિંગવૂડથી 30 પોઇન્ટ મેળવ્યા હતા. ઓલિમ્પિક ટિકિટ હાંસલ કરનારા ફવાદે જણાવ્યું, ''હું બહુ જ ઉત્સાહિત છું, પરંતુ હજુ ઘણું કામ કરવાનું બાકી છે. હું શાનદાર આપવા માટે મારી તૈયારી કરીશ અને ટૂર્નામેન્ટમાં શાનદાર ફોર્મ સાથે પ્રવેશ કરીશ.''

ગત વર્ષે ફવાદની આશાઓ પર એ સમયે પાણી ફરી વળ્યું હતું

ગત વર્ષે ફવાદની આશાઓ પર એ સમયે પાણી ફરી વળ્યું હતું, જ્યારે તેનો ઘોડો સિગ્નોરિટી મેડિકોર્ટ ઈજાગ્રસ્ત થઈ ગયો હતો, જેના કારણે તેની ઓલિમ્પિક ટિકિટ મેળવવાની તકમાં રુકાવટ આવી હતી, પરંતુ હવે ફવાદની સાથે તેના ઘોડાએ પણ શાનદાર કામ કર્યું અને મહત્ત્વપૂર્ણ ક્ષણોએ તેનો સાથ આપ્યો.

સંકળાયેલા મુદ્દાઓ

Asian Games Fouaad Mirza Tokyo 2020 Olympic equestrian Fouaad Mirza ઘોડેસવાર ફવાદ મિર્ઝા Selection