- ITR ફાઈલ કરવાની છેલ્લી તારીખ 31 જુલાઈ
- ITR ફાઈલ કરવાની પ્રોસેસ ખૂબ જ સરળ
- 4 પોઈન્ટને ધ્યાનમાં રાખીને ITR ફાઈલ કરી શકો છો
ઈન્કમટેક્સ રિટર્ન ફાઈલ કરવાની છેલ્લી તારીખ નજીક આવી રહી છે. ઈન્કમ ટેક્સ ડિપાર્ટમેન્ટ છેલ્લી તારીખ પહેલા ITR ફાઈલ કરવા માટે કહી રહ્યું છે. ITR ફાઈલ કરવાની છેલ્લી તારીખ 31 જુલાઈ 2023 છે. આ ડેડલાઈન આગળ વધારવામાં નહીં આવે તો તમારે પેનલ્ટી ભરવી પડી શકે છે.
ઈન્કમટેક્સ વિભાગે ITR ફાઈલ કરવાની પ્રોસેસ ખૂબ જ સરળ બનાવી છે. જો તમારી પાસે ITR ફાઈલ કરવા માટેના તમામ ડોક્યુમેન્ટ્સ છે, તો ITR ફાઈલ કરવામાં માત્ર ગણતરીનો સમય લાગશે. તમે કુલ 4 પોઈન્ટને ધ્યાનમાં રાખીને ITR ફાઈલ કરી શકો છો.
ટેક્સ રિજીમ પસંદ કરવાનું રહેશે
ITR ફાઈલ કરતા સમયે ખાસ ધ્યાન રાખવું જોઈએ કે, ન્યૂ ટેક્સ રિજીમને ડિફોલ્ટ રાખવામાં આવ્યું છે. તમે ઓલ્ડ ટેક્સ રિજીમ હેઠળ ITR ફાઈલ કરવા માંગો છો, તો તમે તેને બદલી શકો છો. નવા ટેક્સ રિજીમ હેઠળ છૂટ મેળવવા માટે ખૂબ જ સીમિત વિકલ્પ છે. 7 લાખ રૂપિયા સુધીની આવક ટેક્સ ફ્રી કરવામાં આવી છે અને ઓલ્ડ ટેક્સ રિજીમ હેઠળ ટેક્સ રિજીમમાં ટેક્સ છૂટની મર્યાદા વધારવામાં આવી નથી.
ફોર્મ 16 અથવા ફોર્મ 16A મેળવી લો
નોકરિયાત વ્યક્તિઓએ ઈન્સ્ટિટ્યુટમાંથી ફોર્મ 16 અથવા ફોર્મ 16A મેળવી લેવું. જેમાં તમને તમારી પગાર સંબંધિત તમામ જાણકારી મળી રહેશે. જેમ કે, બેઝિક સેલેરી, HRA તથા અન્ય એલાઉન્સ, જેમાં અનેક પર ટેક્સમાં છૂટછાટ આપવામાં આવે છે.
26ASમાં TDSની ડિટેઈલ્સ
તમે ITR ફાઈલ કરવા જઈ રહ્યા છો, તો તમારે તમારા ડોક્યુમેન્ટ્સની તપાસ કરી લેવી જોઈએ. ફોર્મ 26AS એક કન્સોલિટેડ ટેક્સ સ્ટેટમેન્ટ હોય છે. જેમાં ટેક્સપેયર્સની આવકમાંથી કટ કરવામાં આવેલ ટેક્સની સંપૂર્ણ જાણકારી હોય છે. TDS, TCS, રેગ્યુલર ટેક્સ, રિફંડ જેવી જાણકારી મળી રહેશે. અનેક વાર ફોર્મ 26ASમાં આપેલ જાણકારી ખોટી હોય છે, તેથી તેમાં તાત્કાલિક સુધારો કરી લેવો.
કેપિટલ ગેન સ્ટેટમેન્ટ
તમે સ્ટોક્સ અને મ્યુચ્યુઅલ ફંડમાં રોકાણ કર્યું છે, તો તમારે બ્રોકર અને મ્યુચ્યુઅલ ફંડમાંથી કેપિટલ ગેન સ્ટેટમેન્ટ મેળવી લેવું જોઈએ. તમે કોઈ સંપત્તિ વેચી છે અને ટેક્સ બચાવવા માટે રોકાણ કર્યું છે, તો તેની જાણકારી આપવાની રહેશે.
AISમાં આવક અને TDS
એક વાર 26ASમાં TDS, TCSની તપાસ કર્યા પછી એન્યુએલ ઈન્ફોર્મેશન સ્ટેટમેન્ટ મેળવી લેવું જોઈએ. બચત ખાતામાં જમા થયેલ રકમ અનુસાર ITR ફાઈલ કરવાની જરૂર છે કે નહીં, તે જાણી શકાશે.
