હેલ્થ ટિપ્સ / હાઈ કોલેસ્ટ્રોલના દર્દીઓ માટે વરદાનરૂપ છે ઘરમાં વપરાતી આ ચીજ, આજથી કરો ડાયટમાં સામેલ

• લસણ આરોગ્ય માટે લાભકારી
• કોલસ્ટ્રોલની સાથે સાથે ડાયાબિટીસ પણ કંટ્રોલમાં રહે છે
• કોલસ્ટ્રોલ ઓછું થાય છે અને લોહી પાતળુ થાય છે

ભોજન બનાવવામાં લસણનો સહેજ પણ ઉપયોગ કરવામાં આવે તો ભોજનનો સ્વાદ, સુગંધ બદલાઈ જાય છે અને ભોજન સ્વાદિષ્ટ બને  છે. લસણ આરોગ્ય માટે લાભકારી પણ છે, જે કોલસ્ટ્રોલ કંટ્રોલ કરવાની સાથે સાથે ડાયાબિટીસ પણ કંટ્રોલમાં રાખે છે. તમે ડાયટમાં લસણ શામેલ કરીને કોલસ્ટ્રોલ લેવલ ઓછું કરી શકો છો. 

કાચું લસણ ખાવ- ભૂખ્યા પેટે કાચું લસણ ખાવાથી કોલસ્ટ્રોલ ઓછું થાય છે તથા હાર્ટ હેલ્ધી રહે છે. ડાયાબિટીસના દર્દીઓ માટે લસણ વરદાનરૂપ સાબિત થાય છે. કાચા લસણમાં રહેલ યૌગિક એલિસિનના કારણો કોલસ્ટ્રોલ ઓછું થાય છે અને લોહી પાતળુ થાય છે. સવારે એક ગ્લાસ પાણી સાથે કાચા લસણની કળીઓ ખાવી જોઈએ. 

લસણની ચા- તમે લસણની ચા બનાવીને પણ તેનું સેવન કરી શકો છો. લસણની ચા બનાવવા માટે એક લસણની કળીને કૂટીને એક કપ પાણીમાં મિશ્ર કરી લો અને ઉકાળો. હવે તેમાં બે ચમચી તજ નાખો અને ઉકળવા દો. હવે કપમાં ગાળી લો અને અડધી ચમચી લીંબુનો રસ મિશ્ર કરો. 

લસણ અને મધ- લસણની કળીના ટુકડા કરીને ચમચીમાં મુકો. હવે તેમાં મધ નાખો અને થોડી વાર સુધી આમ જ રાખો. લસણ ચાવીને ગળી જાવ. જો તમને આ કડવું લાગી રહ્યું ચે, તો તમે ગરમ પાણી પી શકો છો. જેથી કોલસ્ટ્રોલ અને ડાયાબિટીસથી રાહત મળી શકે છે, ઉપરાંત એસિડ રિફ્લક્સ અને ઉલ્ટીથી રાહત મળે છે. 

શેકેલુ લસણ- તમને લસણ કડવું લાગી રહ્યું છે, તો તમે લસણ રોસ્ટ કરીને પણ ખાઈ શકો છો. જેથી આરોગ્ય સારું રહે છે. રોસ્ટેડ લસણ બ્રેડ પર ડિપ સાથે લગાવીને પણ ખાઈ શકો છો. 

લસણનું તેલ- લસણણના તેલનો સલાડ, શાકભાજી અથવા બ્રેડ પર પણ ઉપયોગ કરી શકો છો. લસણનું તેલ બનાવવા માટે લસણ ફોલીને કૂટી લો અને એક પેનમાં કૂકિંગ ઓઈલ અથવા ઓલિવ ઓઈલ સાથે મિશ્ર કરી લો. હવે 10 મિનિટ સુધી તેલ ગરમ કરો. લસણ બળી ના જાય તેનું ધ્યાન રાખો અને ગેસ પરથી ઉતારીને તેલ ઠંડુ થવા દો. હવે આ તેલ ગાળીને તેનો ઉપયોગ કરી શકો છો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)