દુર્ઘટના / જામનગરના ડેમમાં ડૂબ્યો આખો પરિવાર, 5 મૃતદેહો બહાર કઢાયા, ન્હાવા પડ્યાં હતા

• જામનગરના સપડા ડેમમાં પાંચ લોકો ડૂબ્યા
• ડેમમાં ન્હાવા પડેલા 5 લોકો ડૂબ્યા
• ફાયર ટીમે બે મહિલા સહીત 5 મૃતદેહો શોધી કાઢયા

જામનગરના સપડા ડેમમાં પાંચ લોકો ડૂબ્યાના સમાચાર સામે આવ્યા છે.  વિગતો મુજબ ડેમમાં ન્હાવા પડેલા 5 લોકો ડૂબ્યા છે જેમાંથી બે મહિલા સહિત તમામના મૃતદેહ મળી ગયા છે. ફાયર વિભાગે પાંચેય લોકોના મૃતદેહ બહાર કાઢી લીધા છે

પાંચ સભ્યો ડેમમાં ન્હાવા પડ્યાં હતા
પાપ્ત માહિતી મુજબ જામનગરના દિગ્વિજય પ્લોટ વિસ્તારમાં રહેતા મહેશભાઈ પોતાના પરિવાર સાથે સપડા ડેમના કાંઠે વિસ્તાર તરફ ફરવા ગયા હતા. જ્યાં પરિવારના પાંચ સભ્યો ડેમમાં ન્હાવા પડ્યાં હતા. જ્યાં ડૂબી જવાથી પાંચના મોત થયા છે. ડૂબવાની ઘટનાની જાણ ફાયર બ્રિગેડ તેમજ 108 અને પોલીસને થતા તમામ ટીમો ઘટનાસ્થળે દોડી આવી હતી તેમજ શોધખોળ હાથ ધરી હતી.

ગામમાં શોકનો માહોલ
એક જ પરિવારના પાંચ લોકોના ડૂબવાથી મોત થતા ગામમાં શોકનો માહોલ છવાઈ ગયો છે તેમજ સમગ્ર ઘટનાને લઈ પંથકમાં ચકચાર મચી ગઈ છે. સમગ્ર બનાવના પગલે પોલીસે વધુ તપાસ પણ હાથ ધરી છે. 

મૃતકોના નામ
મહેશભાઈ કારાભાઈ મંગે (ઉવ. 44)
લીનાબેન મહેશભાઈ મંગે (ઉવ .41)
સિદ્ધાર્થ મહેશ મંગે (ઉવ. 20)
અનિતાબેન વિનોદભાઈ દામા (ઉવ .40)
રાહુલ વિનોદભાઈ દામા (ઉવ.17)