દુર્ઘટના / ઉમરગામની સરીગામ GIDCમાં ગેસ લીકેજ બાદ ફાયર ટીમ ઘટનાસ્થળે, બે કામદારો હોસ્પિટલાઇઝ

વલસાડ જિલ્લાના ઉમરગામ તાલુકામાં આવેલી સરીગામ GIDC વિસ્તારમાં આવેલી સિનેક્સ મેટકેમ (Sinex Metchem) કેમિકલ કંપનીમાં આજે ગેસ લીકેજની ગંભીર ઘટના સામે આવી છે. ગેસ લીકેજ થતાની સાથે જ કંપની પરિસરમાં ભારે ધડાકો થયો હોવાની માહિતી મળી છે, જેના કારણે આસપાસના વિસ્તારમાં ભયનો માહોલ છવાઈ ગયો હતો. ઘટનાના પગલે કામદારો અને સ્થાનિક લોકોમાં અફરાતફરી મચી ગઈ હતી, જ્યારે તાત્કાલિક તંત્ર દ્વારા સ્થિતિ પર કાબૂ મેળવવાના પ્રયાસો હાથ ધરવામાં આવ્યા છે.

દુર્ઘટનામાં 3 થી વધુ કામદારો ગંભીર રીતે ઈજાગ્રસ્ત થયા હતા જેઓને તાત્કાલીક સારવાર અર્થે હોસ્પિટલ ખસેડવામાં આવ્યા હતા. તેમજ ઘટનાની જાણ ગુજરાત પોલ્યુશન કંટ્રોલ બોર્ડ અને ફાયર બ્રિગ્રેડને થતા તે પણ ઘટના સ્થળે દોડી ગયા હતા.

આ પણ વાંચોઃ ''નોટિસ અપાઇ છે'', સેવન્થ ડે સ્કૂલમાં મારામારી મુદ્દે શિક્ષણમંત્રીનું મોટું નિવેદન

સમગ્ર વિસ્તારમાં ભયનો માહોલ

કંપનીમાં ગેસ લીકેજ થતા ગેસ આસપાસના વિસ્તારમાં ઝડપથી ફેલાઈ જવા પામ્યો હતો. જેના કારણે ત્યાં હાજર કામદારો તેમજ ફેક્ટરીમાં કામ કરતા લોકોની આંખોમાં બળતરા અને શ્વાસ લેવામાં તકલીફની ફરિયાદો ઉભી થવા પામી હતી. જેના કારણે સમગ્ર વિસ્તારમાં ભયનો માહોલ છવાઈ જવા પામ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ