ગગનયાન / ભારતના 3 લોકોની સાથે એક મહિલા રોબોટ પણ જશે અવકાશમાં, સામે આવ્યાં મોટા સમાચાર, ઈસરોનો પ્લાન

• ઓક્ટોબરમાં લોન્ચ થઈ શકે ભારતનું પહેલું માનવવાળું અવકાશી મિશન
• ગગનયાન મિશનમાં 3 લોકોને આકાશમાં મોકલવાની ઈસરોની યોજના
• 3 લોકોની સાથે એક ફિમેલ રોબોટને પણ મોકલવામાં આવશે 

ભારતનું પહેલું માનવીય અવકાશી મિશન ગગનયાન મિશન ઓક્ટોબરમાં લોન્ચ થવા જઈ રહ્યું છે. ગગનયાન મિશનમાં 3 અવકાશયાત્રીઓને અવકાશમાં લઈ જવામાં આવશે પરંતુ તેની સાથે એક મહિલા રોબોટને પણ લઈ જવાની તૈયારી ચાલી રહી છે અને આજે કેન્દ્રીય વિજ્ઞાન મંત્રીએ આજે તેનું એલાન પણ કરી દીધું. 

શું બોલ્યાં કેન્દ્રીય મંત્રી
કેન્દ્રીય વિજ્ઞાન અને ટેકનોલોજી રાજ્ય મંત્રી જિતેન્દ્ર સિંહે ગુણયાન મિશનને લઈને કહ્યું છે કે ભારત ગગનયાન મિશનમાં મહિલા રોબોટ 'વ્યોમિત્ર' મોકલશે. ઑક્ટોબરના પહેલા કે બીજા સપ્તાહમાં ટેસ્ટ સ્પેસ ફ્લાઇટનો પ્રયાસ કરવામાં આવશે. ગગનયાન પ્રોજેક્ટમાં કોરોનાને કારણે વિલંબ થયો હતો. હવે અમે ઓક્ટોબરના પહેલા કે બીજા સપ્તાહમાં પ્રથમ ટેસ્ટ મિશનનું આયોજન કરી રહ્યા છીએ. અવકાશયાત્રીઓને પાછા લાવવું એ તેમને મોકલવા જેટલું જ મહત્વપૂર્ણ છે. તેમણે વધુમાં કહ્યું કે 'બીજા મિશનમાં એક મહિલા રોબોટ હશે અને તે તમામ માનવ પ્રવૃત્તિઓની નકલ કરશે. જો બધું બરાબર થાય તો આપણે આગળ વધી શકીએ. 

કોણ છે મહિલા રોબોટ
ગગનયાન મિશનમાં જે 3 લોકો અવકાશમાં જવાના છે તેમાં એક મહિલા રોબોટનો પણ સમાવેશ કરવામાં આવશે. તેનું નામ વ્યોમમિત્ર રાખવામાં આવેલું છે. 

શું છે ગગનયાન મિશન
ગગનયાન મિશન ભારતનું પહેલુ સમાનવ અવકાશ મિશન છે. આ મિશનથી ભારત અવકાશમાં માણસોને મોકલવાની યોજના પર કામ કરી રહ્યું છે. ભારતનું આ મિશન હાલ ઈસરોની પ્રાયોરીટીમાં છે અને તેના પર ઝડપથી કામ ચાલી રહ્યું છે. ગગનયાન મિશનથી ઈસરો એક સાથે ત્રણ અવકાશયાત્રીઓને અવકાશમાં મોકલવાની યોજના બનાવી રહ્યું છે. ગગનયાન પ્રોજેક્ટ ભારતનું અત્યાર સુધીનું સૌથી મોંઘું મિશન હશે. તેનો કુલ ખર્ચ લગભગ 10 હજાર કરોડ રૂપિયા આસપાસ છે.