- લિવર શરીરનું મહત્ત્વપૂર્ણ અંગ
- 35 ટકા બાળકો ફેટી લિવરની બિમારીનો શિકાર
- બિનઆરોગ્યપ્રદ ભોજનને કારણે આ બિમારીનો શિકાર
લિવર શરીરનું મહત્ત્વપૂર્ણ અંગ છે. લિવરમાં ગરબડ થાય તો આખા શરીરમાં અસર થાય છે. જો બાળકોનું લિવર ખરાબ થાય તો આકી જિંદગી હેરાન થવું પડે છે. AIIMSએ એક સ્ટડીમાં દાવો કર્યો છે. 38 ટકા ભારતીયો નોન-આલ્કોહોલિક ફેટી લિવરની બિમારીથી પિડાઈ રહ્યા છે. સ્ટડી પરથી જાણવા મળ્યું છે કે, 35 ટકા બાળકો ફેટી લિવરની બિમારીનો શિકાર છે. ડૉકટરો જણાવે છે કે, બાળકો બહારના ફૂડને કારણે નહીં પરંતુ ઘરમાંથી ટિફિનમાં આપવામાં આવતા બિનઆરોગ્યપ્રદ ભોજનને કારણે આ બિમારીનો શિકાર થઈ રહ્યા છે. AIIMSની આ સ્ટડી ‘જર્નલ ઓફ ક્લિનિકલ એન્ડ એક્સપરિમેંટલ હેપાટોલોજી’માં પબ્લિશ થઈ છે.
નોન-આલ્કોહોલિક ફેટી લિવર બિમારીનું કારણ
શરૂઆતમાં આ બિમારીના લક્ષણો દેખાતા ના હોવાથી તેના વિશે જાણ થતી નથી. સમયની સાથે બિમારી વધવા લાગે છે. જેના કારણે ભવિષ્યમાં લિવર સંબંધિત ગંભીર બિમારીઓ થાય છે. NAFLDના ચાર કારણ હોઈ શકે છે. ડાયાબિટીસ કંટ્રોલમાં ના હોય, કોલસ્ટ્રોલ અથવા ડિસલિપિડેમિયા હોય તો NAFLD થઈ શકે છે. ઉપરાંત વજન વધી ગયું હોય તો ખરાબ લાઈફસ્ટાઈલને કારણે આ ફેટી લિવરની બિમારી થાય છે. કસરત ના કરવી, તળેલું વધુ ખાવું અને પ્રોસેસ્ડ ભોજન ના કરવું, ગળ્યું વધારે ખાવું તે તમામ બાબત ખરાબ લાઈફસ્ટાઈલનું કારણ છે.
બાળકોમાં ફેટી લિવરની બિમારી શા માટે વધી રહી છે?
શહેરીકરણના કારણે લોકોની લાઈફસ્ટાઈલ બદલાઈ છે. લોકો શારીરિક કસરત કરતા નથી અને અનહેલ્ધી ફૂડ ખાઈ રહ્યા છે. આજકાલ મોટાભાગના લોકો પેકેટ, પ્રોસેડ અને હાઈ કેલરીયુક્ત ભોજન કરે છે, જેના કારણે લોકોનું વજન વધી રહ્યું છે. વજન વધવાને કારણે મેટાબોલિકની સમસ્યા થવા લાગે છે. આ કારણોસર લોકો નોન-આલ્કોહોલિક ફેટી લિવરની બિમારીનો શિકાર થઈ રહ્યા છે. આજકાલ બાળકોના ભોજનમાં સૌથી વધુ વેસ્ટર્ન ફૂડ શામેલ કરવામાં આવી રહ્યું છે. જેમાં રિફાઈન્ડ કાર્બોહાઈડ્રેટ, સેચ્યુરેટેડ ફેટ અને શુગરી બ્રેવરેજ હોય છે. આ ફૂડ ખાવાથી જે ખરાબ ફેટ નીકળે છે, તે લિવરની આસપાસના એરિયામાં ચોંટી જાય છે. બાળકો બહાર રમવા જતા નથી અને મોબાઈલ, ટીવી, ફોન, ગેજેટ્સમાં રચ્યા પચ્યા રહે છે, જેના કારણે બાળકોની કસરત થતી નથી.
બાળકોને ફેટી લિવરની બિમારી થવાનું સૌથી વધુ જોખમ
જે બાળકોના પરિવારમાં ડાયાબિટીસ અથવા મેદસ્વીતાની સમસ્યા છે, તેમને ફેટી લિવરની બિમારી થવાનું જોખમ રહે છે. ફેમિલી બેકગ્રાઉન્ડ અને જેનેટીક પ્રિડિસ્પોજિશન પણ આ બિમારીમાં મહત્ત્વપૂર્ણ ભૂમિકા ભજવે છે. ફેટી લિવર બાબતે લોકોમાં જાગૃતતાનો અભાવ જોવા મળી રહ્યો છે. સમય રહેતા આ બિમારીની જાણ થાય તો તેનો ઈલાજ શક્ય છે, નહીંતર તે ક્રોનિક બિમારી બની જાય છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
