મનોરંજન / રિલીઝ પહેલા જ રણવીર સિંહની ફિલ્મ નીકળી 'ધુરંધર', તોડ્યો 17 વર્ષનો આ રેકોર્ડ

બોલિવૂડનો પાવરહાઉસ રણવીર સિંહ બે વર્ષ પછી મોટા પડદા પર વાપસી કરી રહ્યો છે. તેની મોસ્ટઅવેઇટેડ ફિલ્મ 'ધુરંધર' આવતીકાલે 5 ડિસેમ્બરે રિલીઝ થઈ રહી છે. આ ફાઇલ તેની રિલીઝ પહેલા જ એક મોટો રેકોર્ડ પણ પોતાના નામે કરી લીધો છે. ધુરંધર 17 વર્ષમાં બોલિવૂડની સૌથી લાંબી રિલીઝ બની ગઈ છે.

સત્તર વર્ષ પહેલાં, ઋતિક રોશન અને ઐશ્વર્યા રાય બચ્ચનની જોધા અકબર બોલિવૂડની સૌથી લાંબી ફિલ્મોનીની લિસ્ટમાં સામેલ થઈ હતી. ત્યારે હવે રણવીર સિંહની ફિલ્મ 'ધુરંધર' પણ આ લિસ્ટમાં સામેલ થઈ ગઈ છે. આની સાથે જ આદિત્ય ધર દ્વારા દિગ્દર્શિત આ એક્શન ડ્રામા ફિલ્મને સેન્ટ્રલ બોર્ડ ઓફ ફિલ્મ સર્ટિફિકેશન (CBFC) દ્વારા 'A' (એડલ્ટ્સ ઓન્લી એટલ ke ફક્ત પુખ્ત વયના લોકો માટે) સર્ટિફિકેટ આપવામાં આવ્યું છે. રણવીર સિંહની કારકિર્દીની આ પહેલી 'A' સર્ટિફિકેટ ફિલ્મ છે.

જણાવી દઈએ કે ધુરંધર એક્શન ડ્રામા ફિલ્મ છે. આ ફિલ્મનો રન ટાઇમ 214 મિનિટ એટલે કે 3 કલાક 34 મિનિટ છે, જેને 2008માં આવેલી આશુતોષ ગોવારિકરની ફિલ્મ જોધા-અકબરને પાછળ છોડી દીધી છે. જોધા-અકબરનો રન ટાઇમ 213 મિનિટ એટલે કે 3 કલાક 33 મિનિટ હતો.

સેન્સર બોર્ડે આપ્યું 'A' સર્ટિફિકેટ

સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ ફિલ્મને 'A' સર્ટિફિકેટ આપ્યું છે, જે રણવીર સિંહની કારકિર્દીમાં પહેલું 'A' સર્ટિફિકેટ છે. બોર્ડના જણાવ્યા મુજબ, સર્ટિફિકેટ આપતા પહેલા ફિલ્મમાં ઘણા ફેરફારો કરવામાં આવ્યા છે. ફિલ્મમાં શરૂઆતમાં કેટલાક વધુ પડતા હિંસક વિઝ્યુઅલ્સ બદલવામાં આવ્યા, સેકન્ડ હાફમાં કેટલાક ઇન્ટેન્સ શોટ્સ હટાવવામાં આવ્યા, એક કેરેક્ટરનું નામ બદલવાનો નિર્દેશ, એક ગાળ મ્યૂટ કરવામાં આવી, ડ્રગ્સ સાથે જોડાયેલા સીન્સમાં એન્ટિ-ડ્રગ ડિસ્ક્લેમર લગાવવામાં આવ્યું. રસપ્રદ વાત એ છે કે, આ ફેરફારો કરવા છતાં, ફિલ્મની લંબાઈમાં કોઈ ફેરફાર કરવામાં નથી આવ્યો.

કોર્ટ કેસ અને CBFCની સ્પષ્ટતા

ફિલ્મના રિલીઝ થતાં પહેલા એક કાનૂની અવરોધ પણ આવ્યો, જ્યારે સ્વર્ગીય મેજર મોહિત શર્માના માતા-પિતાએ દિલ્હી હાઈકોર્ટમાં અરજી કરી. તેમણે ચિંતા વ્યક્ત કરી કે ફિલ્મની વાર્તા તેમના પુત્રના જીવન સાથે મળતી આવે છે. જોકે, દિગ્દર્શક આદિત્ય ધરે સ્પષ્ટતા કરી કે આ ફિલ્મ કાલ્પનિક છે. CBFCએ તેની સમીક્ષા પછી એ પણ સ્પષ્ટતા કરી કે આ ફિલ્મ કાલ્પનિક છે અને મેજર શર્માના જીવન સાથે કોઈ સામ્યતા ધરાવતી નથી. બોર્ડે એમ પણ કહ્યું કે ફિલ્મને આર્મી દ્વારા વધારાની સમીક્ષાની જરૂર નથી.

આ પણ વાંચો: PHOTOS : જ્યોર્જિયા એન્ડ્રિયાનીએ ફ્લોન્ટ કર્યું ફિગર, વધારી દીધુ ઈન્ટરનેટનું તાપમાન

ફિલ્મની સ્ટાર કાસ્ટ

રણવીર સિંહ ઉપરાંત, આ એક્શન ડ્રામામાં સંજય દત્ત, અક્ષય ખન્ના, આર. માધવન, અર્જુન રામપાલ, સારા અર્જુન અને રાકેશ બેદી જેવા એક્ટર્સ જોવા મળશે. આ ફિલ્મ બે વર્ષ પછી રણવીરની સિનેમાઘરોમાં વાપસી પણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ