વિશ્વ / સાઉદી અરેબિયામાં 'ભારેલા અગ્નિ' જેવી સ્થિતિ, ભારતીય દુતાવાસે કહ્યું- બારી અને દરવાજાથી દૂર રહો

સાઉદી અરેબિયામાં યમનના હૂતી બળવાખોરોના વારંવારના હુમલાઓ વચ્ચે રિયાદ સ્થિત ભારતીય દૂતાવાસે ત્યાં રહેતા ભારતીય નાગરિકો માટે નવી સુરક્ષા સલાહ જાહેર કરી છે. જેમાં દૂતાવાસે લોકોને સ્થાનિક વહીવટી તંત્રના માર્ગદર્શનનું પાલન કરવા અને ભીડવાળા વિસ્તારોમાં જવાનું ટાળવાની અપીલ કરી છે.

આ સલાહમાં કહેવામાં આવ્યું છે કે જ્યાં સુધી ખતરો ટળે નહીં ત્યાં સુધી શાંત રહો અને નજીકની કોઈ મકાનની સુરક્ષિત જગ્યાએ આશ્રય લો. ઘરમાં હોવ તો બારીઓ અને છતથી દૂર રહીને અંદરના કોઈ રૂમમાં રહો. જો બહાર હોવ તો તરત જ નજીકની મકાનમાં જઈ જાઓ અથવા મજબૂત દીવાલ કે અવરોધ પાછળ સંતાઈ જાઓ.

વાહન ચલાવતા લોકોને ચેતવણી મળતાં જ પુલો અને ઊંચી ઇમારતોથી દૂર, રસ્તાની કિનારે ગાડી રોકી દેવાનું કહેવામાં આવ્યું છે. કટોકટીમાં મક્કા, મદીના, રિયાદ અને પૂર્વીય પ્રાંતના રહેવાસીઓ 911 પર, જ્યારે સાઉદીના અન્ય વિસ્તારોના લોકો 998 પર કોલ કરી શકે છે.

વધુ વાંચો : ઈન્ડિયાથી અમેરિકા સુધી રેલાયા વિરોધ પ્રદર્શનના સૂર, યુરોપમાં તો 'ભારેલા અગ્નિ' જેવી સ્થિતિ

હાલમાં જ 10 ઓક્ટોબરે રિયાદના કિંગ ખાલિદ આંતરરાષ્ટ્રીય એરપોર્ટ પર થયેલા હુમલામાં એક ભારતીય નાગરિકનું મોત થયું હતું અને અનેક ઘાયલ થયા હતા. તે ઘટના પછી દૂતાવાસે ફરી વખત ભારતીયોને હવાઈ હુમલા દરમિયાન ઘરમાં રહેવા અને કોઈપણ ફોટો-વીડિયો બનાવવા કે સોશિયલ મીડિયા પર શેર કરવાથી દૂર રહેવાની સલાહ આપી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ