વિશ્વ / ઇજિપ્તમાં ભૂકંપના જોરદાર ઝટકા, 5.4ની તીવ્રતાથી લોકોમાં ફેલાઈ દહેશત; ઇમરજન્સી સિસ્ટમ એક્ટિવ

ઇજિપ્તમાં 5.4ની તીવ્રતાનો ભૂકંપ આવતા અનેક વિસ્તારોમાં લોકોમાં દહેશત ફેલાઈ ગઈ છે. ભૂકંપના ઝટકાથી લોકો ઘરો અને ઈમારતોમાંથી બહાર દોડી આવ્યા જ્યારે પ્રશાસને તાત્કાલિક ઇમરજન્સી સિસ્ટમ સક્રિય કરી દીધી છે. ભૂકંપ બાદ સમગ્ર સ્થિતિ પર સતત નજર રાખવામાં આવી રહી છે અને રાહત તથા બચાવ એજન્સીઓને એલર્ટ પર રાખવામાં આવી છે. હાલ સુધી કોઈ મોટા જાનમાલના નુકસાનના અહેવાલ સામે આવ્યા નથી, છતાં અધિકારીઓએ સાવચેતીના ભાગરૂપે તમામ જરૂરી વ્યવસ્થાઓ કરી દીધી છે.

અનેક વિસ્તારોમાં અનુભવાયા ભૂકંપના ઝટકા

સોમવારે ઇજિપ્તમાં રિક્ટર સ્કેલ પર 5.4ની તીવ્રતાનો ભૂકંપ નોંધાયો હતો. ભૂકંપના ઝટકાઓ અનેક વિસ્તારોમાં અનુભવાતા લોકોમાં ભયનો માહોલ ફેલાયો હતો. ઝટકા અનુભવાતા જ લોકો સુરક્ષાના હેતુથી ઘરો અને ઓફિસોમાંથી બહાર નીકળી ખુલ્લા સ્થળે પહોંચ્યા હતા. પ્રાથમિક માહિતી મુજબ કોઈ મોટી જાનહાનિ કે ભારે નુકસાન નોંધાયું નથી.

ઇમરજન્સી રિસ્પોન્સ સિસ્ટમ તરત જ એક્ટિવ

ભૂકંપની ઘટના બાદ સ્થાનિક પ્રશાસને તાત્કાલિક ઇમરજન્સી રિસ્પોન્સ સિસ્ટમને સક્રિય કરી દીધી છે. રાહત અને બચાવ કામગીરી સાથે જોડાયેલી તમામ એજન્સીઓને એલર્ટ પર રાખવામાં આવી છે. અસરગ્રસ્ત વિસ્તારોમાં સતત નજર રાખી પરિસ્થિતિનું મૂલ્યાંકન કરવામાં આવી રહ્યું છે.

રાહત એજન્સીઓ સતત કરી રહી છે મોનીટરીંગ

અધિકારીઓએ જણાવ્યું છે કે હાલ પરિસ્થિતિ નિયંત્રણમાં છે, પરંતુ કોઈ પણ પ્રકારની આકસ્મિક સ્થિતિ સર્જાય તો તેનો સામનો કરવા માટે તમામ સંબંધિત વિભાગોને તૈયાર રાખવામાં આવ્યા છે. રાહત એજન્સીઓ સતત મોનીટરીંગ કરી રહી છે અને જરૂરી સ્થળોએ ટીમોને તૈનાત કરવામાં આવી છે.

આ પણ વાંચોઃ બોમ્બ ધડાકાથી ધણધણી ઉઠ્યું પાકિસ્તાન, આત્મઘાતી હુમલામાં 14 લોકોનાં મોત

હાલ સુધી મોટા નુકસાનના અહેવાલ નથી

ભૂકંપ બાદ લોકોમાં ગભરાટ ફેલાયો હતો, છતાં પ્રાથમિક અહેવાલો મુજબ કોઈ મોટા જાનમાલના નુકસાનની પુષ્ટિ થઈ નથી. ઇમારતો અને અન્ય માળખાઓની સુરક્ષાની તપાસ પણ શરૂ કરવામાં આવી છે. પ્રશાસન દ્વારા લોકોને સત્તાવાર સૂચનાઓનું પાલન કરવાની અપીલ કરવામાં આવી છે.

ભૂકંપ આવે તો શું કરવું ?

• ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
• વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
• ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
• ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
• ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
• ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
• ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
• દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.

ભૂકંપની તીવ્રતા કેવી રીતે મપાય છે?

7.9 રિક્ટર સ્કેલ પર ભૂકંપ આવવા પર બિલ્ડીંગો ધરાશાયી થઇ જાય છે. ત્યારે 2.9 રિક્ટર સ્કેલ ભૂકંપ આવવા પર સામાન્ય ધ્રૂજારી થાય છે. જ્યારે 9ની તીવ્રતા પર તબાહી મચી જાય છે. આપણે બતાવીએ ભૂકંપની કેટલી તીવ્રતા આવાથી શું થઇ શકે અને તેની અસર કેવી થાય.

• 0થી 2 રિક્ટર સ્કેલઃ આ ભૂકંપ આવતા તેની અસર ઓછી થાય છે. આંચકાનો અનુભવ થતો નથી. માત્ર સીઝ્મોગ્રાફથી જ જાણી શકાય છે.
• 2થી 2.9 રિક્ટર સ્કેલઃ આ ભૂંકપ આવવાથી સામાન્ય આંચકો અનુભવાય છે. થોડી અસર થાય છે.
• 3થી 3.9 રિક્ટર સ્કેલઃ આ ભૂકંપ આવતાં પંખા અને ઝુમર હલવા માંડે છે. આવા આંચકાથી વસ્તુઓ વેર વિખેર થઇ જાય છે. તમારી બાજુમાંથી કોઇ ટ્રક પસાર થયો હોય તેવી અસર થાય છે.
• 4થી 4.9 રિક્ટર સ્કેલઃ આ ભૂકંપ એ સાવધાનનો ઇશારો આપે છે. દિવાલોમાં તિરાડો પડી શકે છે. કાચા મકાનો નીચે પડે છે. બારીઓ તૂટી શકે છે. દીવાલો પર લટકાવેલી વસ્તુઓ નીચે પડી શકે છે.
• 5થી 5.9 રિક્ટર સ્કેલઃ આ ભૂકંપ ખતરનાક સાબિત થાય છે. ફર્નિચર તેની જગ્યા પરથી હલવા માંડે છે. વધુ નુકશાન થાય છે. ફર્નિચર હલવાથી નાની મોટી ઇજાઓ પણ પહોંચે છે.
• 6થી 6.9 રિક્ટર સ્કેલઃ આ ભૂકંપ બહુજ ખતરનાક માનવામાં આવે છે. આ આંચકો આવાથી કાચી ઇમારતો વધુ પડે છે. જેથી જાનમાલને વધુ નુકશાન થાય છે. ઇમારતોના ઉપરના માળને નુકસાન થઇ શકે છે. ઇમારતોમાં તિરાડો પડી શકે છે.
• 7થી 7.9 રિક્ટર સ્કેલઃ આ ભૂકંપ આવવા પર બિલ્ડીંગો ધરાશાયી થઇ શકે છે. જમીનની અંદરના પાઇપ ફાટી જાય છે. આ ભૂકંપ આવાથી વધુ તબાહી મચાવી છે. આવો ભૂકંપ ગુજરાતમાં વર્ષ 2001માં ભૂજમાં આવ્યો હતો. અને વર્ષ 2015માં નેપાળમાં આવ્યો હતો. આ ભૂકંપે તબાહી મચાવી દીધી હતી.
• 8થી 8.9 રિક્ટર સ્કેલઃ આ ભૂકંપ આવાથી સંપૂર્ણ વિનાશ કરી દે છે. ઇમારતો સહિત પુલ પડી જાય છે.
• 9 અને તેનાથી વધુ રિક્ટર સ્કેલઃ આ ભૂકંપ આવવા પર સંપૂર્ણ તબાહી સર્જાઇ શકે છે. કોઇ મેદાનમાં ઉભા હોઇએ તો તેને ધરતી લહેરાતી જોવા મળે. સમુદ્ર નજીક હો તો સુનામી આવે. ભૂકંપમાં રિક્ટર દરેક સ્કેલના મુકાબલે 10 ગણો વધુ ખતરનાક હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ