નવી પહેલ / અમદાવાદમાં મેરેજ સર્ટિફિકેટમાં મોટો સુધારો, લગ્ન કરનાર કપલોએ કરવું પડશે આ કામ

અમદાવાદ QR કોડ અને ફોટો સાથે મેરેજ સર્ટિફિકેટ આપવાનું પ્રથમ શહેર બન્યું. અમદાવાદ મહાનગરપાલિકાએ આજથી ફોટોવાળું મેરેજ સર્ટિફિકેટ આપવાની શરૂઆત કરી છે. લગ્ન કરનારા દંપતીએ ઓનલાઈન પોર્ટલ પર ડોક્યુમેન્ટ અપલોડ કરવાના રહેશે. જે પછી પાસપોર્ટની જેમ ચોક્કસ સમયે કચેરી પરથી આ સર્ટિફિકેટ મળશે.

સર્ટીફિકેટ સાચું કે ખોટું, પડી જશે ખબર

સર્ટિફિકેટ મેળવનારા QR કોડ સ્કેન કરશે, તેના પરથી સર્ટીફિકેટ સાચું છે કે ખોટું તે પણ જાણી શકાશે. નોંધનીય છે કે, પહેલા સર્ટિફિકેટ મેળવવા માટે કચેરી જવું પડતું હતું. આ કામગીરીમાં અરજદારોને ખુબ હાલાતી થતી હતી. જેથી AMCએ આજથી ફોટો અને QR કોડ વાળું સર્ટિફિકેટ આપવાનો નિર્ણય લીધો છે

મનપા અધિકારીઓએ શું કહ્યું

મહાનગરપાલિકાના અધિકારીઓએ જણાવ્યું કે આ પગલું ડિજિટલ ગવર્નન્સને પ્રોત્સાહન આપવા અને નાગરિકોને વધુ સુરક્ષિત દસ્તાવેજ સેવા ઉપલબ્ધ કરાવવા માટે લેવામાં આવ્યું છે. ભવિષ્યમાં અન્ય નાગરિક દસ્તાવેજોમાં પણ આવી ટેક્નોલોજીનો ઉપયોગ વધારવાની દિશામાં વિચારણા ચાલી રહી છે.

વધુ વાંચો : VIDEO : ગીરના જંગલમાં રેલના પાટા પર અચાનક આવી ચડ્યા 5 સિંહ, જુઓ પછી શું બન્યું

નાગરિકોએ પહેલને વધાવી

નાગરિકોમાં આ પહેલને સકારાત્મક પ્રતિસાદ મળ્યો છે. વિદેશમાં વિઝા, ઇમિગ્રેશન અને બેંકિંગ જેવી પ્રક્રિયાઓમાં મેરેજ સર્ટિફિકેટની ઝડપથી ચકાસણી થઈ શકશે, જેના કારણે દંપતીને વારંવાર દસ્તાવેજ ચકાસણી કરાવવાની જરૂરિયાત ઘટશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ