અમરેલી / VIDEO : ગીરના જંગલમાં રેલના પાટા પર અચાનક આવી ચડ્યા 5 સિંહ, જુઓ પછી શું બન્યું

ગીરના જંગલમાંથી પસાર થતી મીટર ગેજ રેલવે લાઈન પર ઘણી વાર સિંહો આવી જતા હોય છે, કેટલાક કિસ્સામાં સિંહો મોતને પણ ભેટતા હોય છે તો ક્યારેક ટ્રેન ડ્રાઈવરની સમયસૂચકતાને કારણે સિંહો બચી પણ જતા હોય છે વધુ એક વાર આવો કિસ્સો પ્રકાશમાં આવ્યો છે.

જૂના છતડીયા ફાટક નજીક આવ્યા 5 સિંહ

ગીર પૂર્વ વન વિભાગની ​છતડીયા બીટના જૂના છતડીયા ફાટક નજીક 5 સિંહો ટ્રેક પર ચડી આવતાં સંભવિત અકસ્માતની સ્થિતિ સર્જાઈ હતી. ​ઘટનાની જાણ થતાં RFOના માર્ગદર્શન હેઠળ વનવિભાગની ટીમે તાત્કાલિક સ્થળ પર પહોંચી હતી અને ​વનમિત્ર અને રેલમિત્રની ટીમે સતત દેખરેખ રાખી સિંહોને સલામત ઠેકાણે ખસેડી દીધા હતા.

વધુ વાંચો : અમદાવાદમાં કળશ યાત્રામાં રોડ પર મેયર હિતેશ બારોટે કર્યું દિલ જીતી લેતું કામ, તમે પણ આવું કરજો

અડધા કલાક સુધી ટ્રેક પર અટકી રહી

ડ્રાઈવરને જ્યારે લાગ્યું કે આગળ પાટા પર સિંહ આવ્યાં છે ત્યારે તેમણે સાવચેતીના પગલારુપે થોડે દૂર ટ્રેનને થોભાવી દીધી હતી અને પહેલા 5 સિંહોને જવા દીધા હતા અને ત્યાર બાદ ટ્રેન ઉપાડી હતી. ​વનવિભાગ અને રેલવે ટીમની સતર્કતા તેમજ સંકલનને કારણે રેલવે ટ્રાફિક સુરક્ષિત રહ્યો અને મોટો અકસ્માત ટળ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ