સાવધાન! / રાત્રે સૂતાં પહેલા અથવા સવારે ઉઠ્યા બાદ શરીરમાં દેખાય આવા લક્ષણ, તો સમજી જજો લીવરમાં છે ડેમેજ

• આ છે લિવર ડેમેજના સંકેત 
• સુતા પહેલા તમને પણ થાય છે આવું? 
• આ 5 લક્ષણ દેખાય તો થઈ જજો સાવધાન 

લિવર આપણા શરીરના સૌથી જરૂરી અંગોમાંથી એક છે જેનું નિયમિત રીતે કામ કરવું ખૂબ જ જરૂરી છે. લિવરને હેલ્ધી રાખવા માટે પણ રોજ યોગ્ય ડાયેટ અને નિયમિત રીતે શરીરને એક્ટિવ રાખવાની જરૂર હોય છે. પરંતુ ઘણી વખત આ બધી વસ્તુઓનું ધ્યાન રાખ્યા છતાં લિવર સાથે જોડાયેલી સમસ્યાઓ થવા લાગે છે. જેને મેનેજ કરવું મુશ્કેલ થઈ જાય છે. 

સ્વાસ્થ્ય સાથે જોડાયેલી અમુક સમસ્યાઓ લિવરને પણ નુકસાન પહોંચાડી શકે છે અને એવામાં તમારા લિવરને ડેમેજ થવાથી બચાવવાની એક જ રીત છે. તે છે તેની સાથે જોડાયેલા લક્ષણોની ઓળખ કરવી. જો તમે લક્ષણોને ઓળખી કાઢો તો લિવર સાથે જોડાયેલી સમસ્યાઓથી બચી શકાય છે. 

આખો દિવસ થાક રહેવો 
આમ તો આખો દિવસ થાક લાગવો તે સ્વાસ્થ્ય સાથે જોડાયેલી ઘણી સમસ્યાઓના સંકેત હોઈ શકે છે. પરંતુ અમુક મામલામાં આ લિવર ખરાબ હોવાના સંકેત પણ હોઈ શકે છે. જો તમારૂ લિવર ડેમેજ થવા લાગ્યું છે તો આખો દિવસ થાક લાગી શકે છે. આવા લક્ષણ દેખાય તો ડોક્ટરનો સંપર્ક કરો. 

મસલ્સ કમજોર પડવા 
જ્યારે લિવર સારી રીતે કામ કરવાનું બંધ કરી દે છે તો મસલ્સ માસ પણ ઓછુ થવા લાગે છે અને આ કારણે મસલ્સમાં પણ કમજોરી આવવા લાગે છે. જો તમારા શરીરના મસલ્સ કમજોર પડી રહ્યા છે તો આ લિવર સાથે જોડાયેલી બીમારીના સંકેત હોઈ શકે છે અને એવામાં બને તેટલું જલ્દી ડોક્ટરનો સંપર્ક કરો. 

લિવરની આસપાસ સોજા અને દુઃખાવો 
જ્યારે લિવર સાથે જોડાયેલી કોઈ પણ પ્રકારની સમસ્યા થવા લાગે છે તો આ કારણથી ઘણી વખત તમારૂ લિવર અંદરથી ઈજાગ્રસ્ત થવા લાગે છે. લિવરમાં ઈજા થવાના કારણે તેની આસપાસ સોજો અને અન્ય સમસ્યાઓ થવા લાગે છે. જેના કારણે લિવરની આસપાસના ભાગમાં સોજા, બળતરા જેવી સમસ્યા થવા લાગે છે. 

ત્વચામાં પીળાસ 
લિવર સાથે જોડાયેલી બીમારીઓના કારણે ત્વચાનો રંગ ગંભીર પીળો પડવા લાગે છે. જો તમારૂ લિવર સારી રીતે કામ નથી કરી શકતું અને તેના કારણે ત્વચાના રંગમાં પણ ફેરફાર થવા લાગે છે અને તેનો રંગ પીળો પડી જાય છે. 

વધુ વાંચો: આ છે ભારતીય પાવરફૂડ અનાજ, જેને ડૉક્ટર પણ બીમારીઓમાં આપે છે ખાવાની સલાહ

મળના રંગમાં ફેરફાર 
જો તમારૂ લિવર ખરાબ થઈ ગયું છે તો તેના કારણે સ્કિનમાં ફેરફાર થવા ઉપરાંત રંગમાં પણ અમુક ફેરફાર થવા લાગે છે. જો તમારા મળમાં અચાનક ફેરફાર થવા લાગ્યો છે તો આ પણ ખરાબ લિવરનો જ એક સંકેત હોઈ શકે છે અને એવામાં આ પ્રકારના લક્ષણોને ભૂલથી પણ ઈગ્નોર ન કરો.