ડ્રગ્સ / કચ્છના દરિયામાંથી એક બાદ એક મળી રહ્યા છે ડ્રગ્સના પેકેટ, ઝડપાયેલા શખ્સોએ SOGથી બચવા...

જેને લઈને સુરક્ષા એજન્સીએ FSLની મદદ લઇ વધુ તપાસ હાથ ધરી હતી. મળતી માહિતી મુજબ હજુ પણ ડ્રગ્સના વધુ પેકેટ મળવાની સંભાવના સેવાઈ રહી છે.

ઉલ્લેખનીય છે કે થોડા દિવસ અગાઉ કચ્છમાં પાકિસ્તાની બોટ સાથે 2 શખ્સો ઝડપાયા હતા. હરામીનાળા ક્રિક બોર્ડર પાસેથી શખ્સોને BSFએ ઝડપ્યા હતા. ક્રિક બોર્ડરમાં BSFનું સર્ચ ઓપરેશન યથાવત છે. ત્યારે કોરી ક્રિક બોર્ડર પાસેથી વધુ પાંચ ડ્રગ્સ પેકેટ મળી આવ્યા હતા.

ત્યારબાદ સતત 5 દિવસથી ક્રિક બોર્ડરમાં સર્ચ ઓપરેશન ચાલી રહ્યુ છે. ત્યારે BSF અને પોલીસના સંયુક્ત સર્ચ ઓપરેશનને સફળતા મળી હતી. જો કે સુરક્ષા એજન્સીએ FSL ની મદદ લઇ વધુ તપાસ હાથ ધરી છે.

બે દિવસ અગાઉ ક્રિક બોર્ડર નજીક મળેલ ત્રણ શંકાસ્પદ પેકેટ ડ્રગ્સના હોવાનું સામે આવ્યુ હતું. લખપતના મેડીગામ નજીકથી શંકાસ્પદ પેકેટ મળી આવ્યા હતાં. સમુદ્રી બેટમાંથી મળેલા પેકેટ્સ ડ્રગ્સના હોવાનું સામે આવ્યું હતું. 15 કરોડના ડ્રગ્સના પેકેટ્સ SOGએ કબજે કર્યા હતા. આ ડ્રગ્સના પગલે સુરક્ષા એજન્સીઓ દ્વારા તપાસ તેજ કરવામાં આવી હતા. 

અગાઉ અલમદિના પાકિસ્તાની બોટમાંથી ડ્રગ્સ ઝડપાયું હતું. અલમદીના બોટના ટંડેલે SOGને જોતા દરિયામાં અમુક પેકેટ નાખી દીધા હતાં. જે ડ્રગ્સના પેકેટ્સ તણાઈને દરિયા કાંઠે આવી પહોંચ્યા હતા.