- પાટણમાં હાર્ટ એટેથી ડ્રાઇવરનું મોત
- દૂધ સાગર ડેરીના ટેમ્પો ડ્રાઇવરનું થયુ મોત
- ચાલુ ગાડીએ ડ્રાઇવરને આવ્યો હતો એટેક
રાજ્યમાં હાર્ટ એટેકના કિસ્સાઓ દિન પ્રતિદિન વધી રહ્યાં છે. રોજ બરોજ હોર્ટ એટકેથી મોતના સમાચાર સામે આવી રહ્યાં છે. પાટણના શંખેશ્વરના બોલેરા રોડ પર હાર્ટ અટેકથી ડ્રાઇવરનું મોત થયું છે. મહેસાણા દૂધ સાગર ડેરીના ટેમ્પોના ડ્રાઇવરનું મોત નિપજ્યું છે.
ચાલુ ગાડીએ હાર્ટ અટેક આવ્યો
દૂધ સાગર ડેરીના ટેમ્પોના ડ્રાઇવર અબ્દુલ બેલીમ નામના ડ્રાઇવરને ચાલુ ગાડીએ છાતીના ભાગે દુખાવો ઉપડ્યો હતો ત્યાર બાદ તેમનું હાર્ટ અટેકથી દુ:ખદ મોત થયું છે. અત્રે ઉલ્લેખનીય છે કે, છેલ્લા પાંચ દિવસમાં હાર્ટ એટેકના કિસ્સા ઘણાં સામે આવ્યા છે. રાજકોટમાં 19 વર્ષના યુવાનનુ હાર્ટ એટેકથી મોત થયુ હતુ તો વળી સુરતમાં 42 વર્ષના આધેડને રસ્તા પર જ હાર્ટ એટેક આવ્યો હતો જેની ઘટના CCTVમાં પણ કેદ થઇ હતી. પૂણેમાં એક 21 વર્ષના યુવાનને ક્રિકેટ રમીને આવ્યા બાદ હાર્ટ એટેક આવ્યો હતો.
અગાઉ વડોદરામાં હાર્ટએટેકથી મોતની ઘટના
થોડા દિવસ અગાઉ વડોદરામાં 27 વર્ષના એડવોકેટનું હાર્ટએટેકથી મોત થયું હતું. નિહાલ ત્રિવેદીને હાર્ટએટેક આવતા મૃત્યુ થયું હતું. વડોદરા ડિસ્ટ્રિક્ટ ક્રિમીનલ બાર એસો.એ શ્રદ્ધાંજલિ આપી હતી તેમજ યુવકના અવસાનથી પરિવારની માથે શોકનું મોજું ફરી વળ્યું હતું.
સુરતમાં યુવકને હોર્ટ એટેક આવ્યો હતો
સુરતનાં ઉધનાં વિસ્તારમાં એક યુવક અચાનક બેભાન થઈને ઢળી પડ્યો હતો. ત્યારે આ ઘટનાની જાણ આજુબાજુ રહેલ લોકોને થતા મોટી સંખ્યામાં લોકો એકઠા થઈ ગયા હતા. યુવકને તાત્કાલી આજુબાજુનાં લોકો દ્વારા સારવાર અર્થે ખસેડાતા તબીબે યુવકને મૃત જાહેર કર્યો હતો. ત્યારે 42 વર્ષીય યુવકને હાર્ટ એટેક આવ્યો હતો. આ સમગ્ર ઘટના CCTV માં કેદ થઈ ગઈ હતી.
હાર્ટ એટેક આવતા યુવક બાથરૂમમાં પડી ગયો
મળતી માહિતી અનુસાર, થોડા દિવસ અગાઉ રાજકોટમાં હાર્ટ એટેકથી 19 વર્ષીય યુવકનું મૃત્યુ નિપજ્યું હતું. 19 વર્ષીય આદર્શ સાવલિયા નામનો યુવક બાથરૂમમાં અચાનક ઢળી પડ્યો હતો. જે બાદ પરિવારજનો તેને લઈને તાત્કાલિક સિવિલ હોસ્પિટલ ખાતે પહોંચ્યા હતા. જ્યાં ફરજ પર હાજર ડોક્ટરોએ તેને મૃત જાહેર કર્યો હતો. જે બાદ યુવકનું હાર્ટ એટેકથી મોત થયું હોવાનું તબીબોએ જણાવ્યું હતું. યુવકના અવસાનથી પરિવારની માથે શોકનું મોજું ફરી વળ્યું છે. યુવકનું અકાળે અવસાન થતાં પરિવાર પર માતમ છવાઈ ગયો હતો.
ચાલુ બાઈકે આવ્યો હતો હાર્ટ એટેક
આપને જણાવી દઈએ કે, થોડા દિવસ અગાઉ પણ હાર્ટ એટેકથી 2 લોકોના મૃત્યુ થયા હતા. જેમાં સુરત શહેરના ખટોદરા વિસ્તારમાં ચાલુ બાઇકે પાછળ બેઠેલા કાપડના વેપારી કાનજીસિંહ રાજપૂતને હાર્ટ એટેક આવ્યો હતો. જે બાદ તેમને બેભાન અવસ્થામાં તાત્કાલિક હોસ્પિટલ ખાતે ખસેડવામાં આવ્યા હતા. જ્યાં ફરજ પર હાજર તબીબોએ તેમને મૃત જાહેર કર્યા હતા. પીએમ બાદ કાપડના વેપારીનું સિવિયર હાર્ટ અટેકના કારણે મોત થયાનો ખુલાસો થયો છે.
