આશ્ચર્ય / આ ગુજરાતીને મહામારી ફળી ગઈ, સંપત્તિ મામલે અંબાણીને પણ એક વખત પાછળ છોડી દીધા હતા

દિલિપ સંઘવીની કુલ સંપત્તિ 84,000 કરોડ રૂપિયાની આસપાસ છે. આશ્ચર્યની વાત એ છે કે કેટલાક વર્ષો પહેલ દિલીપ સંઘવીની સંપતિત મુકેશ અંબાણી કરતા પણ વધી ગઇ હતી. વર્તમાન સમયમાં મુકેશ અંબાણીની કુલ સંપતિ 76 બિલિયન ડોલર એટલે કે 5.70 લાખ કરોડ રુપિયાની આસપાસ છે. 

2015માં નીકળ્યા હતા આગળ 

2015માં રિલાયંસ ઇન્ડસ્ટ્રીઝના ચેરમેન મુકેશ અંબાણીને સંપત્તિ મામલે દિલીપ સંઘવીએ પાછળ છોડી દીધા હતા. તમને જણાવીએ કે સન ફાર્મા દુનિયાની ચોથી સૌથી મોટી જેનરિક નિર્માતા કંપની છે. માર્ચ 2019માં સન ફાર્મા 4.1 બિલિયન ડોલરના મહેસુલની સાથે ભારતની સૌથી મૂલ્યવાન ફાર્મા કંપની હતી. છેલ્લા 6 મહીનમાં સન ફાર્માના શેરમાં 60 ટકાની તેજી જોવા મળી છે. 

કોણ છે દિલીપ સંઘવી

દિલીપ સંઘવી એક ફાર્માસ્યૂટિકલ ડિસ્ટ્રીબ્યૂટરના દિકરા છે. તેમણે પોતાના પિતા પાસેતી 200 ડોલર ઉધાર લઇને 1983માં મનોરોગ દવાઓનું નિર્માણ શરુ કર્યું હતું. ત્યાર બાદ સન ફાર્મા કંપનીની શરુઆત કરી હતી. જો કે અત્યારે દિલીપ સંઘવીએ એનર્જી, નેચરલ ગેસ અને ઓઇલ ઇન્ડસ્ટ્રીઝમાં રોકાણ કર્યું છે.