રાહત / 20 રુપિયા સસ્તું થયું ખાદ્ય તેલ, આ કંપનીએ ઘટાડ્યાં ભાવ, જાણો નવા રેટ

• મધર ડેરીની મોંઘવારીમાંથી મહદઅંશે રાહત
• તેલના ભાવમાં 15 થી 20 રૂપિયા ઘટાડયા
• મધર ડેરીએ સત્તાવાર અખબારી યાદી પ્રસિદ્ધ કરી

હાલ મારકણી મોંઘવારી વચ્ચે સામાન્ય માણસની જીવન સાયકલમાં અનેક વિઘ્નો આવી રહ્યા છે. ત્યારે દિલ્હી-NCRની મુખ્ય દૂધ સપ્લાયર મધર ડેરીએ મોંઘવારીમાંથી મહદઅંશે રાહત આપી છે અને મધર ડેરી દ્વારા તેના ખાદ્ય તેલના ભાવમાં ઘટાડો કરવાનો નિણર્ય કરવામાં આવ્યો છે. જે મામલે સત્તાવાર રીતે જાહેર કરેલ વિગત અનુસાર તેલના ભાવમાં 20 રૂપિયાનો ઘટાડો કરવામાં આવ્યો છે. મધર ડેરીએ ધારાના ખાદ્ય તેલના ભાવમાં ઘટાડો કરવાની જાહેરાત કરતા લોકો માટે આ સમાચાર રાહતરૂપ સાબિત થશે.

Maximum retail price of Dhara edible oils reduced by Rs 15-20 per litre across variants with immediate effect; revised MRP stocks are slated to hit the market by next week: Mother Dairy

— ANI (@ANI) May 4, 2023

દિલ્હીની મુખ્ય દૂધ સપ્લાયર મધર ડેરીના જણાવ્યા અનુસાર  ખાદ્ય તેલના ભાવમાં 20 રૂપિયાનો ઘટાડો કરાયો છે. મધર ડેરીએ ધારાના ખાદ્ય તેલના ભાવમાં ઘટાડો કરવાનું જણાવ્યું છે. જેને લઈને મોંઘવારીના આ યુગમાં લોકોને થોડી ઘણી રાહત મળશે. આ અંગે મધર ડેરીએ આજે (4 મે)ના રોજ અખબારી યાદી પ્રસિદ્ધ કરી સતાવાર માહિતી આપી છે. જેમાં તેલના ભાવમાં 15 થી 20 રૂપિયા ઘટાડાનો ઉલ્લેખ કરાયો છે. મહત્વનું છે કે સરસવના તેલના ભાવમાં ઘટાડા બાદ હવે તેલની MRP ઘટશે.

ભારત 60 ટકા ખાદ્ય તેલ વિદેશમાંથી મંગાવે છે 

નોંધનીય છે કે ભારત ખાદ્ય તેલની 60 ટકાથી વધુ આયાત કરે છે. છેલ્લા કેટલાક મહિનાઓમાં રશિયા અને યુક્રેન વચ્ચે ચાલી રહેલા યુદ્ધ ઉપરાંત  અગાઉ ઇન્ડોનેશિયા દ્વારા નિકાસ પર પ્રતિબંધને કારણે આયાત પર અસર પડી હતી. આ કારણે વૈશ્વિક તેમજ સ્થાનિક બજારમાં ખાદ્યતેલના ભાવમાં વધારો જોવા મળ્યો હતો.