નિયમોનો ઉલાળિયો / અમદાવાદની વધુ એક સ્કૂલને તાળા વાગશે, માન્યતા રદ કરવા શિક્ષણ વિભાગને દરખાસ્ત

મણિનગર વિસ્તારમાં આવેલી એજ્યુનોવા શાળાની માન્યતા રદ્દ કરવા ડીઈઓ દ્વારા શિક્ષણ વિભાગને પત્ર લખીને દરખાસ્ત કરવામાં આવી છે. એજ્યુ નોવા સ્કુલની વાત કરીએ તો આ શાળાએ ત્રણ વખત ખોટા ગ્રાઉન્ડ બતાવીને શાળાની માન્યતા મેળવી હોવાનો ખુલાસો જિલ્લા શિક્ષણ અધિકારીની તપાસમાં થવા પામ્યો છે. જે બાદ શિક્ષણ અધિકારી દ્વારા રાજ્ય સરકારને સમગ્ર તપાસ અહેવાલ આપીને શાળાની માન્યતા રદ્દ કરવામાં આવે તેવી દરખાસ્ત કરવામાં આવી છે.

જે તે સમયે શાળાએ પરવાનગી મેળવવા માટે જે ગ્રાઉન્ડનો ભાડા કરાર રજુ કર્યો હતો તેની જગ્યાએ અન્ય જગ્યાએ ગ્રાઉન્ડ કોઈ પણ મંજુરી વગર ભાડે રાખી દેવામાં આવ્યું અને ત્યારબાદ આ ગ્રાઉન્ડનો પણ ભાડા કરાર પૂર્ણ થઇ ગયો છતા શિક્ષણ વિભાગને કોઈપણ માહિતી આપવામાં આવી ન હોવાનું તપાસમાં સામે આવતા આકરા પગલા જિલ્લા શિક્ષણ અધિકારી રોહિત ચૌધરી દ્વારા લેવામાં આવ્યા છે.

આ પણ વાંચોઃ ટાપુ પર રોકાયાં, વરસાદી પાણી પીધું, પાકિસ્તાનથી દોઢ દિવસ ચાલીને કચ્છ પહોંચ્યું પ્રેમી યુગલ

તો જયારે વીટીવી ન્યૂઝ એજ્યુનોવા સ્કૂલ પહોંચ્યું તો ગ્રાઉન્ડ સાથે સાથે પાર્કિંગ પણ શાળા પાસે ન હોવાનું આવ્યું સામે આવ્યું અને શિક્ષણ વિભાગને અંધારામાં રાખીને શાળાની પરવાનગી લેવામાં આવી હતી. સાથે સાથે નિયમ કરતા વધુ ફી વસુલવામાં આવતી હોવાનું પણ સામે આવતા એફ આર સી કમિટીને પણ જિલ્લા શિક્ષણ અધિકારી દ્વારા રીપોર્ટ મોકલવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ