દેશની રાજધાનીમાં પ્રદૂષણ દર વર્ષે શિયાળામાં જોખમી સ્તરે વધી જાય છે. આ વર્ષે તેનો વીડિયો વાયરલ થયો છે જેમાં છ જ મહિનામાં પાટનગરમાં પ્રદૂષણની કેટલી ઘટ્ટ ચાદર છવાઈ ગઈ છે તે સ્પષ્ટ દેખાય છે.
ભારતની રાજધાની નવી દિલ્હી ફક્ત ભારતનું નહીં આખા વિશ્વનું સૌથી પ્રદૂષિત શહેર છે. અહીં હવાની ગુણવત્તા તંદુરસ્ત હવા કરતા 10-10 ગણી પ્રદૂષિત છે. આ સમસ્યા શિયાળામાં ઘેરી બને છે. સ્કૂપવ્હૂપ નામની એક ચેનલે દિલ્હીમાં પ્રદૂષણની સ્થિતિ કેટલી ગંભીર છે અને 6 જ મહિનામાં શહેર ઉપર પ્રદૂષણની કેટલી ઘટ્ટ ચાદર છવાઈ ગઈ તેનો ડ્રોન વીડિયો શૂટ કરીને પ્રકાશિત કર્યો હતો.
નોંધનીય છે કે દિલ્હીમાં પ્રદૂષણ માટે અલગ અલગ પરિબળોને કારણભૂત માનવામાં આવે છે જેમાં મુખ્યત્વે શહેરમાં ચાલતા વાહનો અને શહેરની અંદર ચાલતા કન્સ્ટ્રકશનના કામોથી ઉડતા રજકણો અને હરિયાણા અને પંજાબ જેવા રાજ્યોમાં પાકની પરાળ બાળવાથી નીકળતા ધુમાડાને કારણે આ સ્થિતિ સર્જાય છે તેવું કહેવાય છે. સરકારે પણ સક્રિય રીતે આ માટે કાયદાઓ બનાવ્યા છે પણ તેનું અમલીકરણ થતું નથી.
આ વર્ષે કોરોનાને કારણે દિલ્હીમાં પ્રદૂષણ શરૂઆતમાં ઓછું જણાતું હતું પરંતુ અનલોકની પ્રક્રિયા બાદ ફરીથી રાજધાનીમાં પ્રદૂષણે માથું ઉચક્યું અને વળી દિવાળીમાં ફટાકડા ફૂટવાથી આ સ્થિતિ વધુ વિકટ બને તેવી સંભાવના છે.