ગુનાખોરી / કેજરીવાલના ઘરથી નજીક જાણીતા બિલ્ડરની ઘાતકી હત્યાથી ચકચાર, ગુનેગારોએ કોઠીમાં ઘુસીને ગળુ કાપી નાખ્યું

• દિલ્હીમાં ગુનેગારો બન્યા બેખૌફ
• વીઆઈપી વિસ્તારમાં બિલ્ડરની થઈ ઘાતકી
• કોઠીમાં ઘુસીને 77 વર્ષીય બિલ્ડિરનું ગળું કાપી નાખ્યું
• ઘટનાસ્થળથી નજીકમાં છે કેજરીવાલ અને એલજીનું ઘર 

યુપી બાદ હવે દિલ્હીમાં પણ ગુનેગારોને કોઈની બીક ન રહી હોય તેમ લાગી રહ્યું છે. દિલ્હીના સૌથી સુરક્ષિત સિવિલ લાઇન્સ વિસ્તારમાં એક આલીશાન કોઠીમાં જાણીતા બિલ્ડરની હત્યા કરવામાં આવી છે.બિલ્ડરની ઓળખ રામ કિશોર અગ્રવાલ (77) તરીકે થઈ છે. ગુનેગારો કોઠીમાં ઘૂસીને રામ કિશોરને છરીના ઘા માર્યા હતા અને ત્યારબાદ તેનું ગળું કાપીને હત્યા કરી હતી.

A 77-yr-old man murdered,cash stolen from his house in Civil Lines area earlier today.His son had found him in his bed with his throat slit&knife injuries. He was brought dead at Sushruta Trauma Centre.A security guard submitted spotting 2 people trying to flee: DCP North (Delhi) pic.twitter.com/lAO9EwoNFs

— ANI (@ANI) May 1, 2022

ગુનેગારોએ પહેલા લૂંટ કરી અને પછી બિલ્ડરનું ગળું કાપી નાખ્યું
ગુનેગારો લૂંટના ઈરાદાથી આલિશાન કોઠીમાં ઘુસ્યાં હતા. તેમણે પહેલા લૂંટ કરી અને ત્યાર બાદ ચાકૂ વડે બિલ્ડરને ઘા કર્યાં હતા ત્યાર બાદ તેમનું ગળું કાપીને ફરાર થઈ ગયા હતા. 

મૃતકના પુત્રે પોલીસને ફોન કરીને જણાવ્યું-મારા પિતાની હત્યા થઈ 
ઉત્તર દિલ્હીના ડીસીપી સાગરસિંહ કલસીએ જણાવ્યું હતું કે આજે સવારે 6:52 વાગ્યે.m., એક વ્યક્તિએ ફોન કરીને કહ્યું હતું કે કોઈએ તેના પિતાનું ગળું કાપી નાખ્યું છે. તેને મદદની જરૂર છે. પોલીસ ઘટના સ્થળે પહોંચી ત્યારે જાણવા મળ્યું કે 77 વર્ષીય રામ કિશોર અગ્રવાલનું મોત થયું છે. મૃતકના પુત્રએ જણાવ્યું હતું કે સવારે 6:40 વાગ્યે તેણે તેના પિતાને પલંગ પર સૂતેલા જોયા હતા અને તેના પર છરી વડે ચાર વાર હુમલો કરવામાં આવ્યો હતો. પુત્રએ કહ્યું કે પૂંઠાના કેટલાક બોક્સમાં રોકડ પણ હતી જે ગુમ છે. કેટલા રૂપિયા હતા તે નક્કી કરવામાં આવી રહ્યું છે. કોઠીની બહાર તૈનાત ગોર્ડે જણાવ્યું હતું કે, તેણે બે લોકોને ભાગતા જોયા હતા. પોલીસે હત્યા અને લૂંટનો ગુનો નોંધ્યો છે અને પોલીસની અનેક ટીમો આરોપીઓની શોધખોળ કરી રહી છે.

જે વિસ્તારમાં બિલ્ડરની હત્યા થઈ તે વિસ્તાર કેજરીવાલ-એલજીના ઘરથી નજીક 

સિવિલ લાઇન્સ વિસ્તારમાં ઘણા વીઆઈપી લોકોના ઘર આવેલા છે. દિલ્હીના સીએમ અરવિંદ કેજરીવાલ, ઉપરાજ્યપાલ અનિલ બૈંજલ સહિતના ઘણા વીઆઈપીઓ ત્યાં રહે છે.  રામ કિશોર અગ્રવાલની પ્રોપર્ટીની નોકરી હતી. પરિવારમાં તેમને એક પુત્ર, પુત્રવધૂ, પૌત્રી ઉપરાંત એક પુત્રી પણ છે. પરિવારજનોના જણાવ્યા અનુસાર ઘટના સમયે બધા ઊંઘી રહ્યા હતા.