- ગુજરાતના વકીલો માટે રાહતના સમાચાર
- બાર કાઉન્સિલ ઓફ ગુજરાતનો વકીલોના હિતમાં નિર્ણય
- વકીલોને ચૂકવાતી મૃત્યુ સહાય રકમમાં કરાશે વધારો
ગુજરાતમાં વકીલોને લઈ મહત્વના સમાચાર સામે આવ્યા છે. બાર કાઉન્સિલ ઓફ ગુજરાતના વકીલોના હિતમાં મહત્વનો નિર્ણય લેવાયો છે કે, વકીલોને ચૂકવાતી મૃત્યુ સહાયની રકમમાં વધારો કરાશે.
વકીલોને માંદગી સહાયની રકમમાં પણ કરાશે વધારો
વકીલોને ચૂકવાતી મૃત્યુ સહાયની રકમમાં વધારો કરવાનો નિર્ણય લેવામાં આવ્યો છે તેમજ વકીલોને માંદગી સહાયની રકમમાં પણ વધારો કરાશે. અત્રે તમને જણાવી દઈએ કે, અગાઉ વકીલોએ બાર કાઉન્સિલ ઓફ ગુજરાતમાં વિવિધ માંગણીઓને લઈ રજૂઆત કરાઈ હતી.
નવનિયુક્ત ચેરમેનએ આપી હતી ખાતરી
અત્રે તમને જણાવી દઈએ હમણા યોજાયેલી બાર કાઉન્સિલ ઓફ ગુજરાતના ચેરમેનની ચૂંટણીની જીત વેળાએ નવનિયુક્ત ચેરમેન નલિન પટેલે વકીલોની મૃત્યુ સહાય અને માંદગી સહાય સહિતના મુદ્દાઓનો ઉકેલ લાવવાની ખાતરી આપી હતી, જો કે, પાંચ દિવસ પહેલા ખાતરી આપી હતી તે બાબતે વકીલો માટે રાહતના સમાચાર સામે આવી ગયા છે. જો કે, આ ચૂંટણીમાં એકસિક્યુટીવ કમિટી ચેરમેન તરીકે જીતેન્દ્ર ગોલવાળા બિનહરીફ ચૂંટાયા છે. આ ચૂંટણીમાં સમરસ પેનલનો 24માં વર્ષે પણ દબદબો યથાવત જોવા મળ્યો હતો.
.jpg)
ગુજરાત બાર કાઉન્સિલના નવા ચૂંટાયેલા હોદ્દેદારોની યાદી
1. નલિન પટેલ, ચેરમેન
2. હિતેશ પટેલ, વાઇસ ચેરમેન
3. જીતેન્દ્ર ગોળવાલા, એક્ઝિક્યુટિવ કમિટીના ચેરમેન
4. પ્રવીણ ડી પટેલ, ચેરમેન, એનરોલમેન્ટ કમિટી
5. શંકરસિંહ ગોહિલ, ચેરમેન, ફાઇનાન્સ કમિટી
6. વિજય એચ પટેલ, ચેરમેન, રુલ્સ કમિટી
7. આર. જી. શાહ, GLH કમિટી
8. અનિલ કેલ્લા, ચેરમેન, શિસ્ત સમિતિ
