હવામાન / ક્યાર વાવાઝોડાંને કારણે પોરબંદરના દરિયામાં કરંટ, હવામાન વિભાગની નવી આગાહી

• રાજ્યમાં ક્યાર વાવાઝોડાનો ખતરો ટળ્યો
• ત્રણ દિવસ સામાન્ય વરસાદ આવે તેવી શક્યતા
• બંદર પર 2 નંબરનું સિગ્નલ આજે ચોથા દિવસે પણ યથાવત રાખવામાં આવ્યુ

સૈારાષ્ટ્ર અને દક્ષિાણ ગુજરાતના વિસ્તારોમાં પવન અને વરસાદની આગાહી કરવામાં આવી 

અરબી સમુદ્રમાં લો પ્રેશર હવે સુપર સાયકલોનમાં પરિવર્તિત થયુ છે. હાલ આ ક્યાર નામનું વાવાઝોડુ મુંબઈથી દરિયામાં 980 કીલોમીટર દૂર દરિયામાં છે ત્યારે સૈારાષ્ટ્ર અને દક્ષિાણ ગુજરાતના વિસ્તારોમાં પવન અને વરસાદની આગાહી કરવામાં આવી છે. 

સહેલાણીઓ દરિયાની નજીક જઈ જીવના જોખમે દરિયાની મોજ માણી રહયા છે

વાત કરીએ પોરબંદરની તો પોરબંદરના દરિયામાં પણ છેલ્લા ૩ થી ૪ દિવસથી કરંટ જોવા મળી રહયો છે અને માછીમારોને દરિયો ન ખેડવા સૂચના પણ આપી દેવામાં આવી છે. જ્યારે બીજી તરફ બંદર પર 2 નંબરનું સિગ્નલ આજે ચોથા દિવસે પણ યથાવત રાખવામાં આવ્યુ છે. પોરબંદરમાં ચોપાટી ખાતે ઊંજા મોજા ઉછળી રહયા છે અને દરિયો તોફાની જોવા મળી રહયો છે તેમ છતા અંહી ફરવા આવતા લોકો દરિયાની નજીક જઈ સેલ્ફી લેતા નજરે ચડયા હતા. હાલ દરિયો તોફાની હોય ત્યારે દરિયા કિનારાથી દુર રહેવા તંત્ર ધ્વારા પણ અનુરોધ કરવામાં આવ્યો છે તેમ છતા સહેલાણીઓ દરિયાની નજીક જઈ જીવના જોખમે દરિયાની મોજ માણી રહયા છે.

વરસાદની આગાહી, ઠંડીનું જોર પણ વધશે

રાજ્યમાં ક્યાર વાવાઝોડાનો ખતરો ટળ્યો છે. જોકે હજુ પણ રાજ્યમાં આગામી ત્રણ દિવસ સામાન્ય વરસાદ આવે તેવી શક્યતા છે. રાજ્યના અનેક જિલ્લાઓમાં સામાન્ય વરસાદ આવે તેવી હવામાન વિભાગે આગાહી કરી છે. એક નવેમ્બરથી રાજ્યમાં ઠંડીનું જોર વધશે. જ્યારે ક્યાર વાવાઝોડાના કારણે અમદાવાદમાં છૂટોછવાયો વરસાદ આવે તેવી શક્યતા છે. સૌરાષ્ટ્ર, દ્વારકા અને કચ્છમાં વરસાદ આવે તેવી શક્યતા છે. ક્યાર વાવાઝોડાથી ભારે પવન ફૂંકાવવાના કારણે વેરાવળ, પોરબંદર, અમરેલીના બંદરો પર બે નંબરનું સિગ્નલ અપાયું છે.