IPL 2024 / 'માહી ભાઇ મેરે સાથ...', CSK વિરૂદ્ધ KKRની જીત બાદ ઋતુરાજ થયો ભાવુક, કરી ધોનીની પ્રશંસા

રુતુરાજ ગાયકવાડની કપ્તાની હેઠળ ચેન્નાઈ સુપર કિંગ્સે તેમની ત્રીજી જીત નોંધાવી અને IPL 2024ની 22મી મેચમાં KKRને હરાવ્યું. આ મેચ ચેન્નાઈના એમએ ચિદમ્બરમ સ્ટેડિયમમાં રમાઈ હતી, જેમાં ચેન્નાઈ સુપર કિંગ્સે 7 વિકેટે જીત મેળવી હતી. આ જીત સાથે CSKની ટીમ પોઈન્ટ ટેબલમાં ચોથા સ્થાને પહોંચી ગઈ છે. ચેન્નાઈના 5 મેચમાં 3 જીત સાથે 6 પોઈન્ટ છે. KKR સામેની જીત બાદ રુતુરાજ ગાયકવાડે ધોની વિશે કેટલીક વાત કરી હતી. તેમણે કહ્યું કે, તે મારા માટે થોડું નોસ્ટાલ્જિક છે. રુતુરાજે IPLમાં પોતાની પ્રથમ ફિફ્ટી યાદ કરતાં ધોનીનો ઉલ્લેખ કર્યો હતો.

ઋતુરાજે શું કહ્યું?

કોલકાતા નાઈટ રાઈડર્સ (KKR) સામે 58 બોલમાં 67 રનની અણનમ ઈનિંગ રમીને ચેન્નાઈ સુપર કિંગ્સ (CSK)ને જીત અપાવવામાં મહત્વની ભૂમિકા ભજવનાર કેપ્ટન રુતુરાજ ગાયકવાડે કહ્યું કે મહેન્દ્ર સિંહ ધોની અને મુખ્ય કોચ મહત્વપૂર્ણ છે. સ્ટીફન ફ્લેમિંગની હાજરીને કારણે તેમનું કામ સરળ બને છે. ચેન્નાઈએ KKRને 9 વિકેટે 137 રન પર રોક્યા બાદ 17.4 ઓવરમાં ત્રણ વિકેટ ગુમાવીને લક્ષ્યાંક હાંસલ કરી લીધો હતો.

All about last night🥳

Click to watch the full video of Captain Rutu's Post match Press conference!🗣️#WhistlePodu #Yellove

— Chennai Super Kings (@ChennaiIPL) April 9, 2024

પહેલી અડધી સદી યાદ આવી ગઈ

14 બોલ બાકી રહેતા 7 વિકેટે મેચ જીત્યા બાદ રુતુરાજે કહ્યું, 'મારે આ ટીમમાં કોઈને કંઈ કહેવાની જરૂર નથી. દરેક લોકો ખૂબ જ ઉત્સાહિત છે, માહી ભાઈ અને ફ્લેમિંગ હજુ પણ મહત્વપૂર્ણ નિર્ણયો લેવા માટે છે. આ અવસર પર રુતુરાજ પણ આઈપીએલમાં પોતાની પ્રથમ અડધી સદીની ઈનિંગ્સને યાદ કરીને થોડો ભાવુક થઈ ગયો હતો. તેણે કહ્યું, મને જૂની વાતો યાદ આવી ગઈ. જ્યારે મેં IPLમાં મારી પ્રથમ અડધી સદી ફટકારી ત્યારે પણ માહી ભાઈ મેચ પૂરી કરવા મારી સાથે હાજર હતા. તમને જણાવી દઈએ કે કેપ્ટન તરીકે રૂતુરાજની આ પહેલી અડધી સદી છે.

Not Just Words
But it's pure emotion!💛🫂#CSKvKKR #WhistlePodu #Yellove pic.twitter.com/pIa4EK7KTV

— Chennai Super Kings (@ChennaiIPL) April 9, 2024

ધીમી બેટિંગ પર પણ નિવેદન આપ્યું

જ્યારે મેચમાં ધીમી બેટિંગનો ઉલ્લેખ કરવામાં આવ્યો ત્યારે તેણે કહ્યું, રહાણે ઈજાગ્રસ્ત હોવાને કારણે જવાબદારી મારા પર આવી ગઈ હતી અને હું ટીમના અન્ય ખેલાડીઓને મુશ્કેલ સ્થિતિમાં મૂકવા માંગતો ન હતો. હું એમ નહીં કહું કે મારી શરૂઆત ધીમી છે, કેટલીકવાર ટી20માં તમે એક કે બે બોલમાં બધું ફેરવી નાખો છો. કેટલીકવાર તમારે આગળ વધવા માટે થોડી નસીબની જરૂર હોય છે. નિષ્ણાતો કદાચ મારા સ્ટ્રાઈક રેટ વિશે વાત કરશે.

#RutuThala is all we wanted to see today! 🦁🫂#CSKvKKR #WhistlePodu #Yellove 🦁💛

pic.twitter.com/RhmF8hyaSJ

— Chennai Super Kings (@ChennaiIPL) April 8, 2024

વધુ વાંચો : CSK vs KKR: રવિન્દ્ર જાડેજાએ કરી MS ધોનીના આ મોટા રેકોર્ડની બરાબરી, IPLમાં તૂટશે રેકોર્ડ?

પીચ અંગે નિવેદન આપ્યું

ઋતુરાજે પીચને લઈને પણ નિવેદન આપ્યું હતું. તેણે કહ્યું, '150-160 વિકેટ હતી. આ સિક્સ મારનારી પિચ નહોતી. જેને આપણે વર્ષોથી અનુસરીએ છીએ. ઋતુરાજે પણ જાડેજા અંગે પોતાના વિચારો વ્યક્ત કર્યા હતા. તેણે કહ્યું, 'જડ્ડુ હંમેશા પાવરપ્લે પછી આવે છે. આ ટીમ સાથે મારે કોઈને કંઈ કહેવાની જરૂર નથી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો