માત્ર 24 જ કલાકમાં બિટકોઇન સહિતના ક્રિપ્ટોકરન્સીના કોઇન્સની કિંમતમાં જોરદાર ઘટાડો સામે આવ્યો છે.
ક્રિપ્ટોકરન્સી માર્કેટમાં ભૂકંપ
બિટકોઇન અને ઈથેરીયમનો કચ્ચરઘાણ
રોકાણકારોના રૂપિયા ધોવાયા
ક્રિપ્ટોકરન્સી માર્કેટ પડ્યું
છેલ્લા કેટલાક અઠવાડિયામાં ક્રિપ્ટોકરન્સી માર્કેટમાં રોકાણકારોને જે ફાયદો થયો છે તે બધા જ એક દિવસમાં જ ડૂબી ગયા છે. જ્યાં બીટકોઈનમાં આશરે 17 ટકા જ્યારે ઈથેરીયમ જેવી કિંમતીમાં કરન્સીમાં પણ ભારે પછડાટ જોવા મળી રહ્યો છે. ડોગકોઈન સિવાય કેટલીય કરન્સી ક્રેશ થઈ ગઈ છે. જાનક્સરો અનુસાર સંબંધિત કંપનીઓના શેરમાં જોરદાર ઘટાડો જોવા મળી રહ્યો છે અને ક્રિપ્ટોના માર્કેટમાં ભૂકંપ આવી ગયો છે.
બિટકોઇનમાં ભયંકર ધોવાણ
નોંધનીય છે કે સાલ્વાદોર દેશમાં બિટકોઇનને લીગલ ટેન્ડર તરીકે માન્યતા આપવામાં આવી. જે બાદ આખા દેશમાં હવે જોરદાર વિરોધ કરવામાં આવી રહ્યો છે. આ સિવાય અન્ય બ્લોકચેન સંબંધિત કંપનીઓના શેર પણ પડી ગયા છે.
કયા કયા કોઇન્સ થયા કડડભૂસ
24 જ કલાકમાં બિટકોઇન 17 ટકા નીચે આવી ગયો છે. મંગળવારે બિટકોઇન 51629.75 ડોલર પર હતું જે આજે 42921.27 ડોલર પર પહોંચી ગયા છે. બીજી તરફ ઈથેરીયમમાં પણ 13 ટકાનો ઘટાડો સામે આવી રહ્યો છે. 24 જ કલાકમાં ડોગકોઈનની કિંમતમાં પણ 15 ટકાનો ઘટાડો સામે આવ્યો છે. અન્ય કોઈનની વાત કરીએ તો બિનાન્સ કોઇન્સમાં 16 ટકાનો ઘટાડો થઈ રહ્યો છે. લાઇટ કોઈન પણ 16 ટકાના ઘટાડા સાથે કારોબાર કરી રહી છે. પોલીગનમાં પણ 19 ટકાનો ઘટાડો થઈ રહ્યો છે. થેટામાં સૌથી વધારે 25 ટકાનું ધોવાણ સામે આવ્યું છે.