ઈલેક્શન એનાલિસિસ / ભાજપની તુલનામાં કોંગ્રેસે અત્યાર સુધી વધુ કલંકિત ઉમેદવારો ઉતાર્યા, છતાં દરેક પાર્ટીઓના આંકડા ચોંકાવનારા

• વર્ષ 2004થી લઈ 2017 સુધીના સાંસદ, ધારાસભ્ય જાણો ગુનાહિત રેકોર્ડ
• ભાજપના 684 ઉમેદાવરો પર 162 કેસ છે જે 24 ટકા બતાવે છે
• 1636 મહિલા ઉમેદાવર ગ્રેજ્યુટ અથવા તેથી વધુ ડિગ્રી ધરાવે છે
• ભાજપની તુલનામાં કોંગ્રેસે અત્યાર સુધી વધુ કલંકિત ઉમેદવારો ઉતાર્યા

ગુજરાત વિધાનસભાની ચૂંટણીને લઈ રાજકીય ગતિવિધીઓ તેજ થઈ ગઈ છે. ઉમેદવારોના નામની જાહેરાત થવાનો દોર ચાલુ છે. ભાજપ, કોંગ્રેસ અને આમ આદમી પાર્ટી વચ્ચેનો ખરાખરીનો જંગ હવે શરૂ થવાનો છે. એસોસિએશન ઓફ ડેમોક્રેટિક રિફોર્મ અને ગુજરાત ઈલેક્શન વોચને વર્ષ 2004થી લઈ 2017 સુધીના સાંસદ અથવા ધારાસભ્ય તરીકે ચૂંટણી લડવાવાળા 6043 ઉમેદવોરોનો ગુનાહિત રેકોર્ડ ચેક કર્યો અને તેનો જીણવટ પૂર્વક વિશ્લેષણ પણ કર્યો છે. જેમાં સંસદ અથવા ધારાસભ્ય તરીકે કબજો કરવાવાળા કુલ 685 સાંસદો અને ધારાસભ્યને પણ આ રિપોર્ટ આવરી લેવાયા છે. જે રિપોર્ટ અનુસાર 2004 પછી કોંગ્રેસને ભાજપ કરતા વિધાનસભાની ચૂંટણીમાં ગુનાહિત ઉમેદવારોને મેદાને વધું ઉતાર્યા છે.

• જોઈએ, કેટલીક આંકડાકીય માહિતી...  

કયાં પક્ષના ઉમેદવારો પર કેટલા કેસ નોંધાયેલા છે.

પક્ષ	ઉમેદવાર	કેસ	ટકાવારી
ભાજપ	684	162	24
INC	659	212	32
બસપા	533	65	12
AAP	59	7	12
અપક્ષ	2575	291	11

કયા પક્ષના સાંસદો અને ધારાસભ્યો સામે કેટલા કેસ

પક્ષ	ધારાસભ્ય	કેસ	ટકા
ભાજપ	442	102	23

પક્ષ	સાંસદ	કેસ	ટકા
ભાજપ	226	80	35

કોંગ્રેસની ટિકિટ પર ચૂંટાયેલા તેમજ 5 અપક્ષ સાંસદો અને ધારાસભ્યોમાં 3 (60%) ફોજદારી કેસ જાહેર થયેલા છે.

કયા પક્ષના સાંસદો અને ધારાસભ્યો પાસે કેટલી મિલકત છે?

પક્ષ	MLA,MP	રૂપિયા
ભાજપ	442	રૂ. 5.87 કરોડ
કોંગ્રેસ	226	રૂ. 6.32 કરોડ

મહિલા ઉમેદવારોની સ્થિતિ

• 1636 ગ્રેજ્યુટ અથવા તેથી વધુ ડિગ્રીધરાવતી ઉમેદવારો
• 4777 ઉમેદવારો 12 પાસ કે તેનાથી ઓછી ભણેલી છે
• 130 ડિપ્લોમા ડિગ્રી ધરાવે છે.
• 383 મહિલા ઉમેદવારો હતા, જેમાંથી 21 પર ફોજદારી કેસ છે અને 11 સામે ગંભીર ફોજદારી કેસ છે.

ગુજરાત ઇલેક્શન વોચના સ્ટેટ કોઓર્ડિનેટર પંકતિ જોગેનું નિવેદન
ગુજરાત ઇલેક્શન વોચના સ્ટેટ કોઓર્ડિનેટર પંકતિ જોગે એક મીડિયા મિત્ર સાથેની મુલાકાતમાં જણાવ્યું હતું કે 2004થી અત્યાર સુધીનો ચૂંટણીઓનું વિશ્લેષણ કર્યા પછી જાણવા મળ્યું છે કે ગુજરાતમાં નિષ્કલંક છબી ધરાવતા ઉમેદવારોનો જીતવાનો દર 10 ટકા છે જ્યારે તેમની સામે કલંકિત ઉમેદવારોનો જીતવાનો દર બમણો એટલે કે 20 ટકા છે. આ કારણે રાજકીય પક્ષો ગુનાહિત ઈમેજવાળા વધુ ઉમેદવારો ઉભા કરે છે.