સ્પોર્ટ્સ / આ છે ઇન્ટરનેશનલ ક્રિકેટમાં સૌથી વધારે મેચ જોનારી જોડી, કઇ નં. 1 પર?

Cricket: આંતરરાષ્ટ્રીય ક્રિકેટમાં સૌથી વધુ મેચ રમનાર ભારતીય જોડીની વાત કરીએ તો વિરાટ અને રોહિત નંબર વન બનવાની તૈયારીમાં છે. વિરાટ કોહલી અને રોહિત શર્મા આંતરરાષ્ટ્રીય ક્રિકેટમાં સૌથી વધુ મેચ રમનાર ટોચની પાંચ ભારતીય જોડીની યાદીમાં બીજા ક્રમે છે. દિગ્ગજ બેટ્સમેન વિરાટ અને રોહિત યાદીમાં નંબર વન પર આવી શકે છે.

સચિન અને દ્રવિડ

આંતરરાષ્ટ્રીય ક્રિકેટમાં સૌથી વધુ મેચ રમનાર ભારતીય જોડી સચિન તેંડુલકર અને રાહુલ દ્રવિડ છે. તેઓએ 391 મેચ એકસાથે રમી હતી. સચિન 1989 થી 2013 સુધી જ્યારે દ્રવિડ 1996 થી 2001 સુધી ટીમમાં રમતો હતો.

વિરાટ અને રોહિત

યાદીમાં બીજા ક્રમે દિગ્ગજ બેટ્સમેન વિરાટ કોહલી અને રોહિત શર્મા છે. તેઓએ અત્યાર સુધી 388 આંતરરાષ્ટ્રીય મેચ રમી છે અને નંબર વન બનવાથી દૂર નથી. વિરાટ અને રોહિત ફક્ત ચાર વધુ મેચ સાથે રમીને સચિન અને દ્રવિડનો રેકોર્ડ તોડશે. તેઓ 19 ઓક્ટોબરથી શરૂ થનારા ઓસ્ટ્રેલિયા પ્રવાસ પર ત્રણ મેચની વન ડે સિરિજ રમતા જોવા મળશે. વિરાટ અને રોહિતે ટેસ્ટ અને ટી20 આંતરરાષ્ટ્રીય મેચોમાંથી નિવૃત્તિ લીધી છે.

દ્રવિડ-ગાંગુલી

ભૂતપૂર્વ દિગ્ગજ બેટ્સમેન દ્રવિડ અને ભૂતપૂર્વ ભારતીય કેપ્ટન સૌરવ ગાંગુલી 369 મેચ સાથે રમ્યા હતા. ગાંગુલી 1992 થી 2008 સુધી આંતરરાષ્ટ્રીય ક્રિકેટમાં એક્ટિવ હતા.

આ પણ વાંચોઃક્રિકેટ / 2027ના વનડે વર્લ્ડ કપ પર રોહિત શર્માના એલાનથી ક્રિકેટ જગતમાં ચકચાર, ક્રિકેટરો હેરાન

કુંબલે-સચિન

ભૂતપૂર્વ દિગ્ગજ સ્પિનર ​​અનિલ કુંબલે અને દિગ્ગજ બેટ્સમેન સચિને 367 મેચ સાથે રમ્યા હતા. કુંબલે 1990 થી 2008 સુધી આંતરરાષ્ટ્રીય ક્રિકેટ રમ્યા હતા.

ગાંગુલી-સચિન

ગાંગુલી અને સચિને 341 આંતરરાષ્ટ્રીય મેચ સાથે રમ્યા હતા. આ જોડી વન ડે ઇતિહાસમાં સૌથી સફળ ઓપનિંગ જોડી છે. ગાંગુલી અને સચિને 136 વન ડે ઇનિંગ્સમાં 6609 રન બનાવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ