ક્રિકેટ / 2027ના વનડે વર્લ્ડ કપ પર રોહિત શર્માના એલાનથી ક્રિકેટ જગતમાં ચકચાર, ક્રિકેટરો હેરાન

રોહિત શર્માએ 2027ના ODI વર્લ્ડ કપમાં રમવા અંગે પોતાનો અભિપ્રાય વ્યક્ત કર્યો છે. રાહુલે કહ્યું કે તે 2027ના વર્લ્ડ કપમાં રમવા માંગે છે. રોહિત હાલમાં ઓસ્ટ્રેલિયામાં છે, જ્યાં ભારતીય ટીમ 19 ઓક્ટોબરથી ઓસ્ટ્રેલિયા સામે ત્રણ મેચની ODI શ્રેણી રમશે. રોહિતની સાથે, 2027ના વર્લ્ડ કપમાં વિરાટ કોહલીની ભાગીદારી પર પણ પ્રશ્નાર્થ છે, પરંતુ "હિટમેન" એ હવે પોતે પણ વર્લ્ડ કપમાં રમવાની ઇચ્છા વ્યક્ત કરી છે.

વર્લ્ડ કપ રમવા માંગુ છું

'મેક અ વિશ ચાઇલ્ડ' સંસ્થાના સહયોગથી રોહિત શર્મા એક બાળકને મળ્યો, જેનો એક વીડિયો સોશિયલ મીડિયા પર વાયરલ થઈ રહ્યો છે. રોહિત શર્માની કેપ્ટનશીપ હેઠળ, ભારતીય ટીમ 2023 ના ODI વર્લ્ડ કપની ફાઇનલમાં ઓસ્ટ્રેલિયા સામે 6 વિકેટથી હારી ગઈ હતી. રોહિત વર્લ્ડ કપ ટ્રોફી ઉપાડવાનું પોતાનું અધૂરું સ્વપ્ન પૂરું કરવા માંગે છે. વીડિયોમાં, બાળકે રોહિત શર્માને પૂછ્યું કે આગામી વર્લ્ડ કપ ક્યારે છે. રોહિત શર્માએ જવાબ આપ્યો, "2027." પછી બાળકે પૂછ્યું, "શું તમે 2027 વર્લ્ડ કપમાં રમશો? આ પ્રશ્નનો રોહિત શર્માનો જવાબ ચાહકોને ખુશ કરશે. રોહિતે કહ્યું, "હા, હું વર્લ્ડ કપમાં રમવા માંગુ છું." બાળકના પ્રશ્નોના જવાબ આપતા, રોહિતે ઉમેર્યું કે ODI વર્લ્ડ કપ જીતવું તેનું સ્વપ્ન પણ છે.

વધુ વાંચો : ધનતેરસે સોનાના ભાવમાં આવ્યો મોટો ઉછાળો, અમદાવાદમાં સૌથી વધુ, જાણો લેટેસ્ટ રેટ

રોહિત શર્મા 3 વર્લ્ડ કપ રમી ચૂક્યો છે

રોહિત શર્મા અત્યાર સુધીમાં ત્રણ ODI વર્લ્ડ કપ રમી ચૂક્યો છે. તેણે 28 ODI મેચોમાં 60.57 ની પ્રભાવશાળી સરેરાશથી 1575 રન બનાવ્યા છે, જેમાં સાત સદી અને છ અડધી સદીનો સમાવેશ થાય છે. રોહિત 2015, 2019 અને 2023 ODI વર્લ્ડ કપમાં રમી ચૂક્યો છે. 2023 માં, તેની કેપ્ટનશીપ હેઠળ, ભારતીય ટીમ એક પણ મેચ હાર્યા વિના ફાઇનલમાં પહોંચી હતી, પરંતુ ફાઇનલમાં ઓસ્ટ્રેલિયા સામે છ વિકેટથી હારી ગઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ