મહામારી / નથી લીધી કોરોનાની વેક્સિન તો ઘરોમાં જ રહેવું પડશે કેદ, આ શહેરમાં પોલીસે સંભળાવી દીધું ફરમાન

• યુપીના બુલંદશહેરમાં પોલીસ વિભાગે ઓર્ડર બહાર પાડ્યો
• 45 વર્ષની ઉપરના વેપારીઓ માટે કોરોનાની વેક્સિન ફરજિયાત
• વેક્સિન ન લેનાર વેપારીઓને દુકાનો ખોલવાની પરમિશન નહીં 

બુલંદશહેર પોલીસ દ્વારા એવી જાહેરાત કરવામાં આવી કે 45 વર્ષની ઉપરના વેપારીઓએ કોરોના વેક્સિન લીધી નહીં હોય તો તેમને દુકાનો ખોલવાની પરમિશન નહીં મળે. કોરોનાને નાથવા માટે પોલીસ વિભાગે આ નિર્ણય કર્યો છે. 

કોવિડ અનુરુપ વ્યવહાર કરવાની લોકોને અપીલ 

SHO દિક્ષિત કુમાર ત્યાગી અને સર્કલ ઓફિસર સુરેશ કુમારની હાજરીમાં પોલીસ વિભાગ દ્વારા આવી જાહેરાત કરવામાં આવી હતી. પોલીસે લોકોને કોરોનાની વેક્સિન લેવાનું તથા કોવિડ અનુરુપ વ્યવહાર કરવાની અપીલ કરી છે. પોલીસ વિભાગ દ્વારા જારી આદેશમાં કહેવાયું કે દરેક વ્યક્તિઓએ કોરોનાના નિયમોનું પાલન કરવાનું જ છે. સ્થાનિક લોકો દ્વારા રેકોર્ડ કરવામાં આવેલા વીડિયોમાં પોલીસ કર્મીઓને એવું કહેતા સાંભળી શકાતા હતા કે જે પણ દુકાનો માલિકોએ કોરોના વેક્સિન લીધી નહીં હોય તેમને દુકાનો ખોલવાની પરમિશન નહીં આપવામાં આવે. 

બુલંદશહેર અને બરેલીમાં કોરોના કર્ફ્યુમાંથી છૂટ 
યુપીની યોગી આદિત્યનાથ સરકારે રાજ્યમાં અનલોકની પ્રોસેસ હેઠળ શનિવારે કોરોના ગાઈડલાઈનમાં છુટ આપી છે. કોરોનાના ઘટી રહેલા કેસોને ધ્યાનમાં લેતા બુલંદશહેર અને બરેલીમાં કોરોના કર્ફ્યુમાંથી છૂટ અપાઈ છે. આ બે જિલ્લામાં કોરોનાના એક્ટિવ કેસોની સંખ્યા 600 કરતા ઓછી થઈ ગઈ છે. 

કેરળ સરકારે કોરોના સંક્રમણને રોકવા માટે 9 જૂન સુધી લોકડાઉન લાગૂ છે. પરંતુ રાજ્ય સરકારે પોઝિટિવિટી રેટમાં હજું ઘટાડો લાવવા માટે 5મેથી 9 જૂનની વચ્ચે વધારે પ્રતિબંધ લગાવવાનો નિર્ણય કર્યો છે. વ્યવસાયિત એક્ટિવિટીઓને શુક્રવારે સવારે 9 વાગ્યાથી સાંજના 7 વાગ્યા સુધી શરુ રાખવાની પરવાનગી આપી હતી. પરંતુ હવે શનિવારથી નેક્સ બુધવાર સુધી બંધ રહેશે.

રુવારે કોરોના કંટ્રોલ માટે હાઈ લેવલ મીટિંગ કરવામાં આવી. જેમાં મુખ્યમંત્રી પિનરાઈ વિજયને સંક્રમણ દરને ઓછો કરવા માટે અનેક પ્રસ્તાવ આપ્યા.  હાલના લોકડાઉન દરમિયાન પીડીએસ અંતર્ગત આવનારા કરિયાણાની દુકાન, ખાવા પીવાના સામાન, શાકભાજી, દૂધ અને ડેરી ઉત્પાદનો, માંસ જાનવરોનો ચારો, બેકરીની દુકાન ખુલ્લી રહેશે. આ ઉપરાંત ઈલેક્ટ્રીકલ અને કન્સ્ટ્રક્શન સાથે જોડાયેલા સામાનની દુકાન ખુલ્લી રહેશે.