Congress Bank Account Freeze / બેન્ક એકાઉન્ટ્સ ફ્રીઝ કરવાની સામે સુપ્રીમ કોર્ટ પહોંચી કોંગ્રેસ પાર્ટી

Lok Sabha Election 2024 : લોકસભા ચૂંટણી પહેલા બેંક ખાતા ફ્રીઝ કરવાના મુદ્દે કોંગ્રેસ અને કેન્દ્ર સરકાર વચ્ચે ખેંચતાણ ચાલી રહી છે. આ તરફ હવે મોટા સમાચાર સામે આવ્યા છે કે, કોંગ્રેસે હવે આ મામલે સુપ્રીમ કોર્ટનો સંપર્ક કર્યો છે. બેંક ખાતાઓ ફ્રીઝ કરવાના નિર્ણય સામે કોંગ્રેસ પક્ષ દ્વારા સુપ્રીમ કોર્ટમાં અરજી દાખલ કરવામાં આવી છે.

બેંક ખાતા ફ્રીઝ કરવા સામે કોંગ્રેસે સુપ્રીમ કોર્ટમાં અરજી કરી છે. કોંગ્રેસે ગુરુવારે લોકસભા ચૂંટણી પહેલા બેંક ખાતાઓ ફ્રીઝ કરવાના મુદ્દે કેન્દ્રની મોદી સરકાર પર મોટો હુમલો કર્યો હતો. કોંગ્રેસ અધ્યક્ષ મલ્લિકાર્જુન ખડગેથી લઈને સોનિયા ગાંધી, રાહુલ ગાંધી અને પાર્ટીના ખજાનચી અજય માકન સુધીના અન્ય દિગ્ગજ નેતાઓએ આવકવેરા વિભાગની કાર્યવાહી પર સવાલો ઉઠાવ્યા હતા. સોનિયા ગાંધીએ કહ્યું કે સૌથી જૂની પાર્ટીની કમર તોડવાના પ્રયાસો થઈ રહ્યા છે.

કોંગ્રેસ અધ્યક્ષ મલ્લિકાર્જુન ખડગેએ કહ્યું કે, કમનસીબે તાજેતરમાં સુપ્રીમ કોર્ટના હસ્તક્ષેપ પછી ચૂંટણી બોન્ડને લઈને જે તથ્યો બહાર આવ્યા છે તે ચિંતાજનક અને શરમજનક છે. તેનાથી દેશની છબીને ઠેસ પહોંચી છે. છેલ્લા 70 વર્ષમાં આપણા દેશમાં જે નિષ્પક્ષ ચૂંટણીઓ અને સ્વસ્થ લોકશાહીનું નિર્માણ થયું છે તેના પર સવાલ ઉઠ્યા છે. ખડગેએ કહ્યું કે ચૂંટણી ડોનેશન બોન્ડ જેને સુપ્રીમ કોર્ટે ગેરકાયદે અને ગેરબંધારણીય જાહેર કર્યા હતા. આ અંતર્ગત વર્તમાન સત્તાધારી પક્ષે પોતાના ખાતામાં હજારો કરોડથી વધુ રકમ જમા કરાવી છે તો બીજી તરફ મુખ્ય વિપક્ષી પાર્ટીના બેંક ખાતાને કાવતરાપૂર્વક ફ્રીઝ કરી દેવામાં આવ્યા છે જેથી કરીને અમે સમાન રીતે ચૂંટણી લડી શકીએ નહીં. પૈસા આ શાસક પક્ષની ખતરનાક રમત છે તેના દૂરગામી અસરો પડશે કારણ કે જો લોકશાહીને બચાવવી હોય તો સમાનતા હોવી જરૂરી છે. 

एक ओर साज़िशन मुख्य विपक्षी दल के Account Freeze कर रहे हैं, और दूसरी ओर मौजूदा सत्ताधारी दल ने Electoral Bonds से चुनावी चंदा लेकर अपने Account भर लिए हैं।

यह सत्ताधारी दल द्वारा Level Playing Field को खत्म करने के लिए एक ख़तरनाक खेल खेला गया है।#BJPFreezesIndianDemocracy pic.twitter.com/id0Mb68HsX

— Mallikarjun Kharge (@kharge) March 21, 2024

આ સાથે ખડગેએ કહ્યું કે, શાસક પક્ષ દ્વારા ખતરનાક રમત રમાઈ રહી છે. આનાથી સ્પષ્ટ થાય છે કે, કોઈપણ રાજકીય પક્ષને લાચાર બનાવીને ચૂંટણી લડવામાં અડચણો ઉભી કરવી તેને નિષ્પક્ષ ચૂંટણી કહી શકાય નહીં. સામાન્ય નાગરિકો જોઈ શકે છે કે, ભાજપને ચૂંટણી ડોનેશન બોન્ડમાંથી 56 ટકા પૈસા મળ્યા છે જ્યારે કોંગ્રેસને માત્ર 11 ટકા જ મળ્યા છે. 

વધુ વાંચો: 'કોર્ટ, મીડિયા અને પંચ, બધા જોતાં રહ્યાં', એકાઉન્ટ ફ્રીઝ મામલે રાહુલ ગાંધીએ બધાને 'લીધાં'

PM કોંગ્રેસને  અપંગ કરવાનો કરી રહ્યા છે પ્રયાસ
આ દરમિયાન કોંગ્રેસના વરિષ્ઠ નેતા સોનિયા ગાંધીએ પ્રેસ કોન્ફરન્સને સંબોધતા કહ્યું કે અમે લોકશાહીને બચાવવા માટે તમામ પ્રયાસ કરી રહ્યા છીએ. ઈલેક્ટોરલ બોન્ડથી ભાજપને ઘણો ફાયદો થયો છે. વડાપ્રધાન કોંગ્રેસને અપંગ કરવાનો પ્રયાસ કરી રહ્યા છે. આ બહુ ગંભીર મુદ્દો છે, લોકશાહી પર હુમલો છે.
 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો