ઈન્કમ ટેક્સ ભરવાની પ્રોસેસ શરુ કરી દેવામાં આવી છે. IT વિભાગે એપ્રિલ મહિનામાં જ ફોર્મની સુવિધા શરુ કરી છે. લોકો પોતાનો ટેક્સ બચાવવા વિવિધ ઉપાયો શોધી રહ્યા છે. IT રિટર્ન ભરવાનું કામ નાણાકીય વર્ષના શરુઆતમાં નહીં પણ બાદમાં થાય છે. પરંતુ કેટલાક લોકો પહેલા પણ રિટર્ન ભરી શકે છે. તમારે IT રિટર્ન ક્યારે ભરવો? એપ્રિલ કે જૂલાઈમાં તે જાણવાનો પ્રયાસ કરીશું.
TDSનું પેમેન્ટ એમ્પ્લોયર અને બેંક 30 એપ્રિલ સુધી કરવામાં આવે છે. એટલે મોટા ભાગના સેલરીડ ક્લોસ ટેક્સપેયર IT રિટર્ન નહીં ભરી શકે. એક્સપર્ટ્સનું કહેવુ છે કે, કંપનીઓ 31 મે બાદ જ ફોર્મ-16 તથા TDS સર્ટિફિકેટ બહાર પાડે છે. ત્યાર બાદ જ લોકો ઈન્કમ ટેક્સ રિટર્ન ભરવાની પ્રક્રિયા શરુ કરી શકે છે. એમ્પ્લોયર દ્વારા કર્મચારીઓને TDS કપાત માટે અપાતુ સર્ટિ એટલે ફોર્મ -16.
જો તમે ઈન્કમ ટેક્સની તમામ પ્રકારની માહિતીથી અવગત ન હોય તો તમારે ફોર્મ-16ની રાહ જ જોવી જોઈએ. એના પહેલા તમે જાતે TDSની જાણકારી કાઢી હશે તો તે તમારા માટે મુશ્કેલી ઉભી કરી શકે છે. જો ફોર્મ-16 માં થોડુ પણ અંતર દેખાશે તો IT વિભાગ તમને સવાલ કરી શકે છે.
વધુ વાંચો : LICની સ્કીમ છે કે નોટો છાપવાનું મશીન! જેમાં રોજના 45 રૂપિયાના રોકાણ પર થશે 25 લાખનો ફાયદો, સમજો કેલ્ક્યુલેશન
જ્યા સુધી તમારી સેલરી પર કપાયેલા TDS નથી ભરાતું ત્યાં સુધી IT વિભાગ તમારા રિટર્નનું પ્રોસેસ જ નહી કરે. પરંતુ એપ્રિલ મહિનામાં કેટલાક લોકો રિટર્ન ભરી શકે છે. જેમાં NRI લોકો સામેલ છે. જે NRI પાસે ભારતમાં પોતાની સંપત્તિ વેચીને કેપિટલ ગૈન સિવાય બીજો કોઈ સ્ત્રોત નથી તેવા NRI એપ્રિલમાં રિટર્ન ભરી શકે છે. જો TDS પહેલા જ ભરાઈ ગયુ હોય તો એપ્રિલમાં રિટર્ન ભરવાથી એ ફાયદો થાય છે કે રિટર્નની પ્રોસેસ ફાસ્ટ થાય છે. જો વધારે ટેક્સ કપાઈ ગયો હોય તો રિફંડ પણ જલદી મળે છે. એક્સપર્ટ્સનું કહેવુ છે કે, એપ્રિલમાં જલ્દી રિટર્ન ભરવાની ભૂલ ન કરવું જોઈયે. 31 જુલાઈના પહેલા રિટર્ન ભરવાથી અંતિમ સમયે આવતી સમસ્યાથી તમે બચી શકો છો.
