- અમદાવાદમાં ફૂટ ઓવર બ્રિજનું લોકાર્પણ, 6 મહિનાથી બ્રિજ થઇ ગયો છે તૈયાર
- AMCના વિપક્ષ નેતા શેહઝાદ ખાન પઠાણે કર્યું લોકાર્પણ
- શાસક પક્ષે બ્રિજનું લોકાર્પણ ન કરતાં વિરોધ પક્ષે કર્યું લોકાર્પણ
અમદાવાદ રિવરફ્રન્ટ પર કરોડોના ખર્ચે ફૂટ ઓવર બ્રિજ બનાવવામાં આવ્યો છે. 6 મહિનાથી આ બ્રિજ બનીને તૈયાર થઇ ગયો છે. આમ છતાં હજુ સુધી બ્રિજનું લોકાર્પણ થયું નથી. જેથી AMC વિપક્ષ નેતા નેતા શેહઝાદ ખાન પઠાણે બ્રિજનું લોકાર્પણ કર્યું છે. ઉલ્લેખનીય છે કે, AMC કેન્દ્રીય મંત્રીને હસ્તે બ્રિજનું લોકાર્પણ કરવા માગતું હતું, પરંતુ AMC વિરોધ પક્ષે કંટાળીને બ્રિજનું લોકાર્પણ કર્યું છે.
ફૂટ ઓવર બ્રિજનું વિરોધ પક્ષે કર્યું લોકાર્પણ
અમદાવાદના રિવરફ્રન્ટ પર કરોડોના ખર્ચે ફૂટ ઓવર બ્રિજ બનાવાયો છે. જોકે આ બ્રિજને તૈયાર થઈ ગયે 6 મહિના જેટલો સમય થઈ ગયો હોવા છતાં પણ હજી સુધી તેનું લોકાર્પણ ન હતું. જેથી આજે અમદાવાદ મ્યુનિશિપલ કોર્પોરેશનના વિરોધ પક્ષના નેતા શહેઝાદ પઠાણે ફૂટ ઓવરબ્રિજનું લોકાર્પણ કરી દીધું છે.
AMC કેન્દ્રીય મંત્રીને હસ્તે બ્રિજનું લોકાર્પણ કરાવવા માંગતુ હતું
કરોડોના ખર્ચે અંદાજિત 6 મહિના પૂર્વે તૈયાર થયેલ ફૂટ ઓવર બ્રિજનું લોકાર્પણ AMC કેન્દ્રીય મંત્રીને હસ્તે કરાવવા માંગતુ હતું. જોકે બ્રિજ બન્યા ના 6 મહિના પછી પણ હજી સુધી લોકાર્પણ નહીં થાય અમદાવાદ મ્યુનિશિપલ કોર્પોરેશનના વિરોધ પક્ષે કંટાળી બ્રિજનું લોકાર્પણ કરી દીધું છે.
જાણો કેવો છે ફૂટ ઓવરબ્રિજ ?
અમદાવાદ શહેરના પૂર્વ વિસ્તારને પશ્ચિમ સાથે જોડતા સાબરમતિ રિવરફ્રન્ટનો આ ફૂટ ઓવરબ્રિજ તૈયાર થઈ ગયો છે. શહેરના એલિસબ્રિજ અને સરદારબ્રિજ વચ્ચે તૈયાર થયેલા 300 મિટરના આઈકોનિક બ્રિજના બાંધકામની કામગીરી પણ પૂર્ણ થઈ ગઈ છે. આ બ્રિજ બનાવવા 2700 ટન સ્ટીલનો ઉપયોગ કરાયો છે. મહત્વનું છે કે, બ્રિજ ઉપરથી મન મોહી લેતો નજારો જોવા મળશે. જેના માટે મુલાકાતીઓએ ચાર્જ ચૂકવવો પડશે. ફૂટઓવર બ્રિજ પર આર્ટકલ્ચર ગેલરી ઊભી કરાશે. ફૂડ સેન્ટર એટલે કે ખાણી-પીણીના સ્ટોલ ઊભા કરાશે અને ફૂટઓવર બ્રિજના પશ્ચિમ તથા પૂર્વ છેડા પર મલ્ટીલેવલ કાર પાર્કિંગની વ્યવસ્થા પણ ઊભી કરાશે. એટલે કે, અહીં ફરવા આવતા લોકોને તમામ પ્રકારની સુવિધાઓ મળશે.
