મહામારી / કોરોનાને કાબૂમાં લેવા સીએમ યોગી આદિત્યનાથનો મોટો નિર્ણય, યુપી જતા લોકોએ આ કામ કરવું પડશે

• યુપીમાં બેકાબુ કોરોનાને નાથવા કડક પ્રતિબંધો
• આંતરરાજ્યીય બસ સેવા પર પ્રતિબંધ 
• હવાઈ પ્રવાસીઓએ કોરોનાનો નેગેટિવ રિપોર્ટ રજૂ કરવો પડશે 
• બહારથી ગામમાં આવતા તમામ લોકોનો કોરોના ટેસ્ટ ફરજિયાત

યોગી આદિત્યનાથે રવિવારે ટીમ-9 ની બેઠક બોલાવી હતી. આ બેઠકમાં કોવિડ માટે જરુરી દિશાનિર્દેશો જારી કરાયા હતા. યોગીએ ફિલ્ડમાં કામ કરી રહેલા તમામ અધિકારીઓ તથા ડોક્ટરોને લોકોના ફોન કોલનો જવાબ આપવાનો કડક આદેશ આપ્યો. તે ઉપરાંત તમામ ડીએમ અને સીએમઓને  તેમના જનપ્રતિનિધિ તથા લોકોના સંપર્કમાં રહેવાનો પણ આદેશ અપાયો છે.

હવાઈ યાત્રા માટે કોવિડ રિપોર્ટ નેગેટિવ જરુરી
યોગીએ હવાઈ યાત્રા માટે કોવિડ રિપોર્ટ નેગેટિવ જરુરી બનાવ્યો છે. એટલે કે ફ્લાઈટમાં યુપીમાં આવતા પ્રવાસીઓએ નેગેટીવ કોવિડ રિપોર્ટ રજૂ કરવો પડશે તો જ યુપીમાં એન્ટ્રી અપાશે. 

ગામડાઓમા ફેલાઈ રહેલા કોરોના પર પણ યોગીએ ચિંતા વ્યક્ત કરી. બહારથી ગામમાં આવતા તમામ લોકોનો કોરોના ટેસ્ટ તથા જરુર પડે ક્વોરન્ટાઈન કરવાનો પણ આદેશ અપાયો છે. 

દરેક ગામડાઓમાં કોરોનાના લક્ષણોની ઓળખ થશે 
યોગીના દિશાનિર્દેશ અનુસાર, યુપીમાં 4 મે થી 9 મે સુધી દરેક ગામમાં કોરોનાના લક્ષણોની ઓળખ કરવામાં આવશે અને તેમને જરુરી દવાઓ આપવામાં આવશે. ટ્રેનોમાં આવનાર પ્રવાસીઓના તાપમાનની તપાસ થશે અને જો તેઓ સંદિગ્ધ હોય તો તેમનો એન્ટીજન ટેસ્ટ કરવામાં આવશે. 

એક્ટિવ કેસની સંખ્યા વધીને 33 લાખને પાર 

દેશમાં સંક્રમણના મામલા શુક્રવારની સરખામણીએ શનિવારે થોડા ઓછા કેસ આવ્યા છે.  ગત 24 કલાકમાં આની સંખ્યા 3, 92, 459 રહી છે. જો કે દેશમાં કોરોનાથી એક્ટિવ કેસની સંખ્યા વધીને 33 લાખને પાર થઈ ગઈ છે.  આ દરમિયાન કોરોનાના કારણે 3684 લોકોએ જીવ ગુમાવ્યો છે.

કોરોનાના 3 લાખ 92 હજાર 459 નવા મામલા સામે આવ્યા બાદ સંક્રમિતોની કુસ સંખ્યા વધી 1,95,49,910 થઈ ગઈ તથા 3684 લોકોના મોત થયા છે એ બાદ કુલ મોતની સંખ્યા વધીને  2,15,523 થઈ ગઈ છે. એક્ટિવ કેસની સંખ્યા વધીને 33,43,910 થઈ ગઈ છે. જે સંક્રમણના કુલ કેસના 17.06 ટકા છે. તથા દર્દીઓના સાજા થવાનો દર વધારે ઘટીને 81.84 ટકા રહી ગયો છે. આંકડા અનુસાર દેશમાં સંક્રમણ બાદ સાજા થયેલા લોકોની સંખ્યા વધીને 1,59,81,772 થઈ ગઈ છે. મૃત્યુદર 1.11 ટકા છે. આઈસીએમઆરના જણાવ્યાનુસાર 30 એપ્રિલ સુધી 28,83,37,385  નમૂનાની તપાસ કરવામાં આવી છે. જેમાં 19, 45, 299 નમૂનાની શુક્રવારે તપાસ કરવામાં આવી છે.