VIDEO / આઝાદીના 75 વર્ષ બાદ પણ પ્રાથમિક સુવિધાઓનો અભાવ, પાણીના એક-એક ટીપા માટે તરસી રહ્યાં છે ગામ લોકો

Vishal Khamar

Last Updated: 12:40 PM, 19 April 2024

FOLLOW ON

શેર કરો

વિકાસ કરીશું. એવા વાયદાઓ તો બધા જ કરે છે. પરંતુ ચૂંટણી ગયા પછી કોઈ ભાવ પૂછવા પણ આવતું નથી. આવું જ કાંઈક છોટાઉદેપુરના બારી મહુડા ગામમાં સામે આવ્યું છે. જ્યાં આઝાદીના 75 વર્ષ બાદ પણ પ્રાથમિક સુવિધાઓનો અભાવ છે. ગામ લોકો પાણીના એક-એક ટીપા માટે તરસી રહ્યાં છે.

સરકાર ભલે દાવાઓ કરે કે ગુજરાતના ગામડે ગામડે પાણી પહોચ્યું છે અને દરેક ઘરમાં નળ ચાલુ કરતા જ પાણી આવે છે. પરંતુ વાસ્તવિકતા કંઈક અલગ જ છે. છોટાઉદેપુર જિલ્લાના અંતરિયાળ વિસ્તાર એવા બારી મહુડા ગામમાં આજે પણ લોકો પાણી માટે વલખા મારી રહ્યા છે. આ ગામમાં આઝાદીના 75 વર્ષ બાદ પણ પીવાના પાણીની સમસ્યાનો કોઈ જ ઉકેલ નથી આવ્યો. ગામમાં બોર છે પણ પાણી નથી. ગામમાં હેન્ડ પંપ છે પરંતુ બંધ હાલતમાં છે. ગામ લોકો માટે પાણીનો એકમાત્ર આધાર કૂવો છે. બારી ફળિયામાં એક 15 ફૂટ જેટલો ઊંડો કૂવો આવેલો છે. જે ગામલોકોની તરસ છીપાવી રહ્યો છે.પરંતુ મુશ્કેલી એ છે કે, આ કૂવાનું પાણી અત્યંત દૂષિત છે. જોકે પાણીનો બીજો કોઈ સ્ત્રોત ન હોવાથી ગામ લોકો આ કૂવાનું દૂષિત પાણી પીવા મજબૂર છે. આવું દૂષિત પાણી પીવાને કારણે ગામલોકો બીમાર પડી રહ્યાં છે.