ફટકાર / આવા કેવા માં બાપ? પ્રેમ થયો તો બાળકોને છોડી દીધા, હાઇકોર્ટે બરાબરનાં તતડાવ્યા

• બાળકોને છોડીને પ્રેમી યુગલને પ્રેમ કરવો પડ્યો ભારે
• પ્રેમી યુગલે હાઈકોર્ટને કહ્યું, અમારા જીવને જોખમ છે
• હાઈકોર્ટે યુગલને પૂછ્યુ, બાળકોની સારસંભાળ કેવીરીતે કરશો?

પ્રેમી યુગલ પરણીત, પરંતુ હવે તેઓ પોત-પોતાના પાર્ટનર સાથે રહેવા માંગતા નથી

અરજી દાખલ કરનારા પ્રેમી યુગલે હાઈકોર્ટને જણાવ્યું કે તેઓ બંને પહેલાં પરણિત છે. પરંતુ તેઓ હવે પોતાના પાર્ટનર સાથે રહેવા માંગતા નથી. પ્રેમી યુગલે જણાવ્યું કે તેઓ મેવાતના નૂંહમાં રહે છે અને બંને ધર્મથી મુસ્લિમ છે. બંનેએ પરિવારની વિરુદ્ધ જઇને સાથે રહેવાનો નિર્ણય કર્યો છે. પરંતુ હવે તેના પરિવારજનો તેના જીવના દુશ્મન બની ગયા છે. હાઈકોર્ટને જણાવ્યું કે, મહિલાના પહેલાના પતિ સાથેના 5 બાળકો છે. જ્યારે પુરુષના પહેલાની પત્ની સાથેના 4 બાળકો છે. અરજદારે જણાવ્યું કે તેઓ અત્યારે બંને સાથે રહે છે અને તેના પરિવારજનોથી તેમના જીવને જોખમ છે. એવામાં હાઈકોર્ટ તેમને સુરક્ષા પ્રદાન કરે. જેથી તેઓ શાંતિપૂર્વક જીવન ગાળી શકે.

બંનેના બાળકોની સારસંભાળ કેવીરીતે થશે: હાઈકોર્ટ 

હાઈકોર્ટે સુરક્ષા પર સુનાવણી કરતા પહેલાં હવે બંનેને પૂછ્યુ કે આ 5 અને 4 બાળકોની સારસંભાળ કેવીરીતે થશે. હાઈકોર્ટે કહ્યું કે બાળકોના જીવનને સુધારવા માટે ભરણપોષણ નક્કી કરવુ જરૂરી છે. જેને પગલે હવે હાઈકોર્ટે બંનેની જંગમ અને સ્થાવર સંપત્તિની વિગતો મંગાવવવાનું કહ્યું છે.