તમારા કામનું / તમારી કાર કે બાઈક પર કેટલા મેમો ફાટ્યા, ઘરે બેઠા ઓનલાઈન ચેક કરો ચલણની વિગતો

ઘણી વખત રસ્તાઓ પર વાહન ચલાવતી વખતે લોકો તેમની ઝડપ પર ધ્યાન નથી આપતા અને બીજા ઘણા કિસ્સાઓમાં વાહનનું ઇ-ચલણ કપાઈ જતું હોય છે. તમે પણ અમુક સમયે ટ્રાફિક નિયમો તોડ્યા હશે અને ભલે જાણીજોઈને એ નિયમો ન તોડયા હોય પરંતુ ઘણી વખત આપણે અજાણતા ટ્રાફિકના નિયમો તોડીએ છીએ. આવી સ્થિતિમાં, તમે ઘરે બેઠા તમારા સ્માર્ટફોનથી ચલણની વિગતો ચેક કરી શકો છો.

ગાડી ચલાવતા સમયે ભૂલથી કોઈને કોઈ નિયમોનું ઉલ્લંઘન થઈ હતું હોય છે, જો કે ઘણી વખત લોકોને તેનો ખ્યાલ પણ આવતો નથી અને ચલણ કપાઈ જાય છે. જો તમારું ચલણ જારી કરવામાં આવે છે, તો તેને ભરવા માટે ટ્રાન્સપોર્ટ ઓફિસની મુલાકાત લેવાની જરૂર નથી. તમે ઘરે બેઠા પણ તમારું ચલણ ઓનલાઈન ચેક કરી શકો છો. આ સિવાય તમે ઘરે બેસીને ચલણ ચેક કરી શકો છો અને ઓનલાઈન પેમેન્ટ પણ કરી શકો છો.

ઈ-ચલણ ઓનલાઈન ચેક કરો

• ચલણ ચેક કરવા માટે સૌથી પહેલા તમારે ઓફિશિયલ વેબસાઇટ echallan.parivahan.gov.in પર જવું પડશે.
• તેમાં તમારે 'ચેક ચલણ સ્ટેટસ' પર ક્લિક કરવાનું રહેશે.
• હવે તમારા કમ્પ્યુટર અને મોબાઈલ પર એક નવું પેજ ખુલશે.
• અહીં તમને ત્રણ વિકલ્પો ચલણ નંબર, વાહન નંબર અને DL નંબર દેખાશે. તમે આમાંથી વાહન નંબર વિકલ્પ પર ક્લિક કરો.
• ત્યાં વાહન નંબર એન્ટર કરવો પડશે. આ પછી, તમારે વાહનના ચેસિસ નંબર અથવા એન્જિન નંબર સાથે કેપ્ચા કોડ દાખલ કરવો પડશે અને ગેટ ડિટેલ પર ક્લિક કરવું પડશે.
• હવે પછીના પેજ પર તમને ખબર પડશે કે વાહન પર કોઈ ચલણ છે કે નહીં. આ સાથે, તમે તમારા DL (ડ્રાઇવિંગ લાયસન્સ) અથવા ચલણ નંબર દાખલ કરીને પણ ચલણ ચેક કરી શકો છો.

એટલું જ નહીં તમે આ ચલણ ઓનલાઈન પણ ભરી શકાશે. જો ઈ-ચલણ લાંબા સમય સુધી પેન્ડિંગ રહે છે તો તે તમારા માટે વધુ મુશ્કેલી ઊભી કરી શકે છે. આવી સ્થિતિમાં, અમે તમને ઇ-ચલણ કેવી રીતે ભરવું તે વિશે પણ જણાવશું.

વધુ વાંચો: તમારે ગૂગલમાં નોકરી કરવી છે? જાણો એપ્લાય કરવાની પ્રોસેસ, ફ્રેશર્સ પણ કરી શકે અરજી

ઈ-ચલણ ભરવાની ઓનલાઈન પ્રક્રિયા

• ઈ-ચલણ ઓનલાઈન ભરવા માટે તમારે echallan.parivahan.gov.in વેબસાઈટ પર જવું પડશે.
• અહીં તમને Pay Online નો વિકલ્પ મળશે, તેના પર ક્લિક કરો.
• હવે ચલણની વિગતો સંબંધિત એક ફોર્મ ખુલશે. આ ફોર્મમાં તમને ચલણ નંબર, વાહન નંબર અને DL નંબરના વિકલ્પો મળશે.
• તમે તમારી અનુકૂળતા મુજબ કોઈપણ એક પસંદ કરી શકો છો.
• એ બાદ તમે ક્રેડિટ કાર્ડ/ડેબિટ કાર્ડ/નેટ બેંકિંગ/UPI દ્વારા ઓનલાઈન ઈ-પેમેન્ટ કરી શકો છો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ