ગાંધીનગર / CMની અધ્યક્ષતામાં આજે કેબિનેટ બેઠક, PMના પ્રવાસથી લઇને કૃષિ સહિતના મુદ્દાઓ પર કરાશે ચર્ચા

Cabinet Meeting : આજે ગાંધીનગરમાં રાજ્ય સરકારની કેબિનેટ બેઠક મળશે. CM ભૂપેન્દ્ર પટેલની અધ્યક્ષતામાં આજે સાંજે 4 વાગે મળનારી કેબિનેટ બેઠકમાં અનેક ચર્ચાઓ કરવામાં આવશે. આ કેબિનેટ બેઠકમાં ખાસ કરીને PMના ગુજરાત પ્રવાસને લઈ સમિક્ષા થશે. આ સાથે બજેટ સત્રમાં બાકી રહેલા કામો અને નવા બિલ બાબતે ચર્ચા થશે તો કૃષિ વિભાગ દ્વારા ચાલી રહેલી ખરીદી બાબતે પણ સમિક્ષા થશે. 

ભૂપેન્દ્ર પટેલ સરકારની આજે સાંજે કેબિનેટ બેઠક મળવાની છે. જેમાં આવતીકાલના PM મોદીના પ્રવાસ સહિતમાં મુદ્દે ચર્ચા થશે. મહત્વનું છે કે, આવતીકાલે વડાપ્રધાન ગુજરાતના પ્રવાસે આવશે. વડાપ્રધાન વિવિધ કાર્યક્રમમાં હાજરી આપશે. 

વધુ વાંચો: કંથેરિયા હનુમાનના દર્શન થયા અને નવાબની દીકરી થઈ રોગમુક્ત, જમીનમાં જ મૂર્તિની સ્થાપના

જાણો શું છે PM મોદીનો કાર્યક્રમ ? 
આવતીકાલે PM મોદી સવારે 10:45 વાગ્યે અમદાવાદના નરેન્દ્ર મોદી સ્ટેડિયમમાં ગુજરાત કો-ઓપરેટિવ મિલ્ક માર્કેટિંગ ફેડરેશન (GCMMF) અમૂલ ફેડરેશનની સુવર્ણ જયંતીની ઉજવણીમાં હાજર રહેશે. બપોરે 12:45 વાગ્યે વાળીનાથ મહાદેવ મંદિર તરભ ખાતે દર્શન કરશે. બપોરે 1:00 વાગ્યે તરભમાં મંદિરનો શિલાન્યાસ, ઉદઘાટન, રાષ્ટ્રને અર્પણ વિવિધ પ્રોજેક્ટ અને સાર્વજનિક કાર્યમાં હાજરી આપશે. બપોર પછી 4:15 વાગ્યે નવસારીમાં વિવિધ પ્રોજેક્ટનો શિલાન્યાસ, ઉદઘાટન કાર્યક્રમમાં હાજરી આપશે અને સાંજે 6:15 વાગ્યે કાકરાપારના એટોમિક પાવર પ્રોજેક્ટ્સની મુલાકાત લેશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો