વડોદરા / ધારાસભ્યના ભાઈની લુખ્ખી દાદાગીરી! સોની વેપારીને માર્યો માર, MLAએ કહ્યું ડોન હોવાનો રૂઆબ મારે છે

• MLA ચૈતન્યસિંહ ઝાલાના ભાઈ મયુરસિંહ ઝાલાની લુખ્ખાગીરી
• અગાઉની અદાવતમાં સોની વેપારીને માર્યો માર
• મારા ભાઈની સંડોવણી જણાશે તો કાયદાથી બંધાયેલા છીએ-MLA 
• માત્ર ધારાસભ્યનાં ભાઈ છે તેના કારણે તેના દોષારોપણ થાય એ ખોટું છે-MLA

Padra MLA News : રાજ્યમાં અનેક વાર રાજકીય નેતાઓ કે તેમના સગાઓની દાદાગીરી સામે આવતી હોય છે. આવી જ એક ઘટના વડોદરાના પાદરાથી સામે આવી છે. વિગતો મુજબ વડોદરાના પાદરામાં ધારાસભ્યના ભાઈની લુખ્ખાગીરી સામે આવી છે. પ્રાથમિક વિગતો મુજબ MLA ચૈતન્યસિંહ ઝાલાના ભાઇએ જ્વેલર્સ વેપારીને સમાધાન માટે બોલાવી માર માર્યો હોવાનું સામે આવ્યું છે. જોકે હવે પાદરાના ધારાસભ્યનું પણ નિવેદન આપતા કહ્યું કે, મારા ભાઈની સંડોવણી જણાશે તો કાયદાથી બંધાયેલા છીએ. 

વડોદરાના પાદરાથી MLA ચૈતન્યસિંહ ઝાલાના ભાઇએ જ્વેલર્સ વેપારીને માર માર્યો હોવાની ઘટના સામે આવી છે. વાત જાણે એમ છે કે, MLA ચૈતન્યસિંહ ઝાલાના ભાઇએ જ્વેલર્સ વેપારીને માર માર્યો હોવાનો આક્ષેપ કરવામાં આવ્યો છે. ધારાસભ્યના ભાઈ મયુરસિંહ ઝાલાએ વેપારી વિવેક સોનીને સમાધાન માટે બોલાવી વેપારી અને તેમના ત્રણ કારીગરોને માર માર્યો હતો. અગાઉ અદાવતને લઇ મયુરસિંહ ઝાલાએ સમાધાન માટે બોલાવી અને માર મારતા વેપારી વિવેક સોની ઇજાગ્રસ્ત બનતા સારવાર હેઠળ ખસેડાયા હતા. આ તરફ SSG હોસ્પિટલે તંત્રને જાણ કરી હતી. 

વધુ વાંચો: 14 દિવસે કેડિલાવાળી બલ્ગેરિયન યુવતીનો અતોપત્તો મળ્યો! એક મહિના પછી દુષ્કર્મ કેસમાં ફરાર રાજીવ મોદીને પકડવામાં પોલીસ નાકામ

શું કહ્યું ધારાસભ્યએ ? 
પાદરાના ધારાસભ્યના ભાઈ દ્વારા દાદાગીરી મામલે ધારાસભ્ય ચૈતન્યસિંહ ઝાલાનું નિવેદન સામે આવ્યું છે. MLAએ કહ્યું કે, વિવેક સોની પાદરામાં ડોન હોવાનો રૂઆબ મારે છે, ગત 5 તારીખે અનેકને ફોન કરી ગાળો આપી ધમકી આપી હતી તો મારા ભાઈ હરેન્દ્રસિંહને પણ ફોન કર્યો હતો. વિવેક સોનીએ રાત્રિનાં સમયે 25 કોલ કરીને અપશબ્દો કહ્યા હતા જેથી બીજા દિવસે સવારે ફરિયાદનું કહેતા તેણે સમાધાનની વાત કરી હતી. આ ઇસમ ડોન હોવાનું કહીને કૃત્ય કરે છે અને તમામ બાબતનું કોલ રેકોર્ડ છે. આ સાથે તેમને કહ્યું કે, અગાઉ પણ આવું કરી સમાધાન કર્યું હતું. મારા ભાઈની સંડોવણી જણાશે તો કાયદાથી બંધાયેલા છીએ પણ માત્ર ધારાસભ્યનાં ભાઈ છે તેના કારણે તેના દોષારોપણ થાય એ ખોટું છે. વિવેક સોની વારંવાર આ કૃત્ય કરવા ટેવાયેલા છે. આ બાબતે મારા ભાઈ પાદરા પોલીસ મથક ફરિયાદ કરવા જશે.