બિઝનેસ / GSTમાં ઘટાડા પછી પણ સરકારની તિજોરી છલોછલ, સપ્ટેમ્બરમાં રેકોર્ડ બ્રેક કલેક્શન

સપ્ટેમ્બર 2025માં ભારતનું GST કલેક્શન નોંધપાત્ર રીતે વધ્યું છે. વધુમાં મંત્રાલયે બુધવારે જણાવ્યું કે સપ્ટેમ્બરમાં GST કલેક્શન 1.89 લાખ કરોડ રૂપિયા રહ્યું, જ્યારે ગયા વર્ષના સમાન મહિનામાં તે 1.73 લાખ કરોડ હતું. આ વૃદ્ધિ 9.2 %ની છે, જે આર્થિક પ્રવૃત્તિઓમાં મજબૂતી દર્શાવે છે. આ લગાતાર બીજો મહિનો છે જ્યારેGST આવક 1.85 લાખ કરોડથી વધુ રહી. ઓગસ્ટ2025માં તે 1.86 લાખ કરોડ હતું, જે વાર્ષિક આધારે 6.5%ની વધારાનું સંકેત આપે છે.

6 મહિનામાં 12.1 લાખ કરોડનું કુલ GST કલેક્શન

એપ્રિલથી સપ્ટેમ્બર 2025 સુધીના 6 મહિનામાં દેશનું કુલ GST કલેક્શન 12.1 લાખ કરોડ રૂપિયા સુધી પહોંચી ગયું છે, જે ગયા વર્ષની સમાન અવધિ કરતા 9.8% વધુ છે. આ રકમ વિત્ત વર્ષ 2024ના સંપૂર્ણ વર્ષના GST કલેક્શનના લગભગ અડધા ભાગના બરોબર છે. NET GST રેવન્યુ, જેમાં કેટલીક કપાતો પછી બચત થાય છે, આ 6 મહિનામાં 10.4 લાખ કરોડ રહ્યું, જે ગયા વર્ષ કરતા 8.8% વધારાનું છે. આ વૃદ્ધિથી સરકારના ખજાનામાં મજબૂત વધારો થઈ રહ્યો છે, જે આર્થિક વિકાસ અને કર વ્યવસ્થાની કાર્યક્ષમતા દર્શાવે છે.

GST કલેક્શનમાં નવો રેકોર્ડ

એકીકૃત વસ્તુ અને સેવા કર (IGST)નું કલેક્શન પણ આ વર્ષે પ્રથમ વખત 1 લાખ કરોડથી વધુ થયું. સપ્ટેમ્બરમાં IGST કલેક્શન 1,01,883 કરોડ રૂપિયા રહ્યું, જે જાન્યુઆરી 2025માં બનાવેલા રેકોર્ડ 1,01,075 કરોડથી વધુ છે. આ વધારો દેશભરમાં વેપાર અને વસ્તુઓના આદાન-પ્રદાનમાં વેગ આવ્યાનું સંકેત આપે છે, ખાસ કરીને આંતરરાજ્ય વ્યાપારમાં.

સેસ કલેક્શનમાં ઘટાડો નોંધાયો

જોકે, સેસની આવક આ વર્ષે થોડી ઘટી છે. એપ્રિલથી સપ્ટેમ્બર વચ્ચે સેસ કલેક્શનમાં ઘટાડો જોવા મળ્યો, જે એપ્રિલમાં 13,451 કરોડથી ઘટીને સપ્ટેમ્બરમાં 11,652 કરોડ રહ્યું. આ મહિનાઓ વચ્ચે સતત ઘટતું જઈ રહ્યું છે, પરંતુ કુલ GST કલેક્શન પર તેની મોટી અસર પડી નથી. આ ઘટાડો કેટલીક વસ્તુઓના વપરાશમાં ફેરફારને કારણે થયો હોઈ શકે.

તહેવારોની સિઝનમાં વધુ કલેક્શન

ઓગસ્ટ અને સપ્ટેમ્બરના તહેવારી મોસમમાં GST ટી કલેક્શન 3.8 લાખ કરોડ સુધી પહોંચ્યું, જે ગયા વર્ષની સમાન અવધિ કરતા 7.8% વધુ છે. તહેવારોને કારણે બજારોમાં ખરીદી વધી, જેથી સરકારને વધુ કર મળ્યું. આ વૃદ્ધિ દેશની આર્થિક મજબૂતીનું પ્રતીક છે, જે વપરાશ અને વેપારને પ્રોત્સાહન આપે છે.

વધુમાં વાંચો: ટાટાના શેરહોલ્ડર્સને દિવાળી ગિફ્ટ, કંપની એક શેર પર આપશે એક મફત શેર

GST સ્લેબમાં મોટા ફેરફારો

સપ્ટેમ્બરની શરૂઆતમાં GST કોઉન્સિલ રેટ સિસ્ટમમાં મોટા સુધારા કર્યા. અગાઉ ચાર અલગ-અલગ કર સ્લેબ (5%, 12%,18%, 28%) હતા, તેને હવે માત્ર બે મુખ્ય સ્લેબ 5% અને 18%માં બદલી દેવામાં આવ્યા છે. વધુમાં, સિન અને લક્ઝરી વસ્તુઓ પર 40% કર લગાવાયો છે. 22 સપ્ટેમ્બરથી અમલમાં આવેલા આ ફેરફારોનો ઉદ્દેશ કર વ્યવસ્થાને સરળ બનાવવાનો, વેપારીઓ માટે કર ભરવું સરળ કરવાનો અને સામાન્ય ગ્રાહકોને રાહત આપવાનો છે. આ સુધારાથી વ્યવસાયોને વધુ સરળતા મળશે અને આર્થિક વિકાસને વેગ મળશે. આ વૃદ્ધિ અને સુધારાઓથી GST વ્યવસ્થા વધુ મજબૂત બની રહી છે, જે ભારતના આર્થિક ભવિષ્ય માટે સકારાત્મક સંકેત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ